Блогеры аддалі на Камароўцы 190 рублёў за шэсць кілаграмаў садавіны
Як такое магчыма?
Пара мінскіх блогераў падзялілася ў тыктоку гісторыяй паходу на Камароўскі рынак па садавіну.
За адносна невялікі пакет агульнай вагою ў 6 кілаграмаў яны аддалі 190 рублёў. Маладыя людзі не ведаюць, ці сапраўды тое, што яны набылі, каштуе столькі, колькі ім давялося заплаціць.
«Сумна з-за цаны. Калі гэта рэальна такая цана. (…) Калі нас як лахоў проста н***лі», — гаворыць малады чалавек.
«Мы не глядзелі. Яна ўзважвала і ўзважвала. І ў канцы сказала цану, — гаворыць дзяўчына і дадае: — Больш мы на рынкі не ходзім. Гэта вельмі дорага».
Как вы считаете, оправданая цена?) Больше нас в инст: diankaa_savitskaya
У каментарыях падлічылі, што адзін кілаграм садавіны абышоўся блогерам у больш як 30 рублёў.
Некаторыя дзеляцца гісторыямі, як іх надурылі прадаўцы. Іншыя заўважаюць, што маладыя людзі маглі не плаціць, калі не згодныя, і разабрацца на месцы. Можна было таксама вярнуцца і папрасіць пералічыць.
«Куды вы глядзелі? Два дарослыя чалавекі не ў стане пракантраляваць прадаўца і свае пакупкі», — заўважае адзін з каментатараў.
Ёсць і прапановы з'ездзіць на рынак у Табары, дзе добрыя цэны. А вось у Валяр'янава не раяць, бо набылі там «3 хурмы за 43 рублі».
Некаторыя заўважылі ў пакунку блогераў экзатычную садавіну, кшталту пітахаі коштам 20-30 рублёў за штуку, і раяць аўтарам відэа зняць «распакоўку».
У выніку, малады чалавек усё ж вярнуўся на рынак і даведаўся цэны. У новым відэа ён дэманструе «экзатычны яблык» (чэрымою), назву якога не ведае, і расказвае, што за яго давялося заплаціць 21 рубель. «Ён бы мне не ўс*аўся, каб я ведаў, якая на яго цана», — эмацыйна каментуе хлопец.
За адну пітахаю ён аддаў 22 рублі.
«Набралі пафаснай садавіны і яшчэ дзівяцца цэнам», — заўважае адна з карыстальніц.
Вот такой финал истории)) Больше нас в инст: diankaa_savitskaya
У цэлым людзі пагаджаюцца, што на Камароўскім рынку цэны завышаныя, і сцвярджаюць, што цяпер добры выбар садавіны ў гіпермаркетах.
Сама ж аўтарка відэа заўважае: «Выснова адна — у «Еўраопце» танней».
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары