Prezident ZŠA Donald Tramp prapanavaŭ novyja varyjanty dla pierasialeńnia žycharoŭ siektara Hazy. Raniej jon nastojvaŭ na ich raźmiaščeńni ŭ Jehipcie i Ijardanii, ale hetyja krainy admovilisia prymać biežancaŭ.
Ciapier razhladajucca Maroka, Samalilend i Puntlend — dva paŭaŭtanomnyja rehijony ŭ Samali, piša Bild.
Hetyja terytoryi ekanamična zaležać ad ZŠA i mahli b atrymać finansavuju dapamohu ŭ abmien na ŭdzieł u prajekcie. Adnak pakul niama aficyjnaha paćvierdžańnia hetaj infarmacyi, i sam Tramp nie raskryŭ, ci zastajucca hetyja krainy pryjarytetnymi abo razhladajucca inšyja varyjanty.
Tym časam u Vašynhton nakiroŭvajucca karol Iardanii Abdała II i prezident Jehipta Abdel Fatach as-Sisi. Čakajecca, što na pieramovach jany paćvierdziać admovu svaich krain prymać pierasialencaŭ.
«Hety płan palityčna niemahčymy dla luboj arabskaj krainy», — zajaviŭ adzin z arabskich čynoŭnikaŭ vydańniu Axios.
Tramp ža ŭzmacniaje cisk, kab damahčysia zhody. Jon užo zajaŭlaŭ, što choča źnieści Hazu i pabudavać na jaje miescy turystyčny raj — «Ryŭjeru Blizkaha Uschodu». Adnak pakul u rehijonie zastajucca tysiačy bajevikoŭ CHAMAS, susiednija krainy nie hatovyja prymać pierasialencaŭ, bajučysia rostu niestabilnaści.
-
Kamiedyja ŭ Rasii: mer vypadkova prajhraŭ vybary žoncy svajho kiroŭcy. Ciapier sparynh-partniorka asprečvaje ŭ sudzie svaju ž pieramohu
-
Va Ukrainie raskazali, kolki tam ciapier nasielnictva
-
«Vy nie z zachodniaj Ukrainy?» Kirył vyśmiejaŭ śviatara, jaki skazaŭ, što Carkva pavinna zajmacca vieraj, a nie patryjatyzmam
U Minsku źnik viadomy prarasijski błohier i hość łukašenkaŭskaj prapahandy10
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary