Palitźniavolenamu žurnalistu Iharu Karnieju dali jašče vosiem miesiacaŭ kałonii
Asudžanaha raniej da 3 hadoŭ kałonii žurnalista Ihara Karnieja pakarali jašče 8 miesiacami źniavoleńnia, piša Radyjo Svaboda
Novy sud nad žurnalistam, jaki ŭžo adbyvaje pakarańnie ŭ miascovaj kałonii, pačaŭsia 11 śniežnia ŭ Škłovie.
Karnieja abvinavacili pavodle 411 artykuła KK («Złosnaje niepadparadkavańnie patrabavańniam administracyi papraŭčaj ustanovy»). Žurnalistu prysudzili źniavoleńnia ŭ dadatak da raniejšaha pakarańnia. Sudziŭ Ihara Karnieja Alaksandr Tarakanaŭ.
U 2023 hodzie Karnieja asudzili pavodle č. 3 artykuła 361-1 Kryminalnaha kodeksu («Udzieł u ekstremisckim farmavańni») na 3 hady źniavoleńnia. Zatrymali jaho ŭ lipieni 2023 hoda.
Adbyvać pakarańnie Ihara Karnieja adpravili ŭ kałoniju № 17 u Škłovie. Viadoma, što tam jaho karali štrafnym izalataram (ŠYZA), a ź leta 2024 hodu źmiaścili ŭ pamiaškańnie kamernaha typu (PKT), dzie izalujuć tych viaźniaŭ, jakija nibyta nie stali na šlach vypraŭleńnia.
Iharu Karnieju 1 studzienia spoŭnicca 57 hadoŭ. Jon šmat pisaŭ na temy historyi i krajaznaŭstva Biełarusi, viadomy taksama jak treveł-błohier.
Z ulikam novaha prysudu Ihar Karniej vyjdzie na volu tolki ŭ kastryčniku 2026 hoda.
-
Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk
-
«Prakuror skazaŭ, što mnie treba pakinuć Biełaruś». Byłaja palitźniavolenaja Alena Maŭšuk raskazała pra ŭmovy svajho vyzvaleńnia
-
Pry spryjańni ZŠA vyzvalili šmatdzietnuju Alenu Maŭšuk — sanitarku balnicy, jakaja na pratestach u Pinsku ŭdaryła kałom pa siłavikach
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych17
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary