U 2019 hodzie na 70-hadovy jubilej śpiavački rasijskija kanały vypuskali śviatočnyja kancerty. Ciapier — maŭčańnie.
Śpiavačka adznačaje 75-hadovy jubilej 15 krasavika, ale ŭ sietku viaščańnia rasijskich telekanałaŭ nie ŭklučany śviatočnyja prahramy ŭ jaje honar, vynikaje z raskładu prahram na anłajn-płatformie «Smotrim», zaŭvažyli «Viedomosti».
U 2019 hodzie rasijskija kanały ŭ 70-hadovy jubilej śpiavački vypuskali śviatočnyja kancerty, pryśviečanyja Puhačovaj. 14 krasavika 2019 hoda na Pieršym kanale pakazali kancert «Padarunak dla Ały», telekanał «Rasija 1» u svaju čarhu tranśliravaŭ vinšavańnie «Z dniom naradžeńnia, Ała!».
27 sakavika 2024 hoda kiraŭnik Fiederalnaha prajekta pa biaśpiecy i baraćbie z karupcyjaj Vital Baradzin u telehram-kanale napisaŭ, što ŭ adkaz na jahony zapyt u Hienprakuratury pačałasia pracedura pryznańnia Puhačovaj zamiežnym ahientam.
***
Ała Puhačova ź dziećmi pakinuła Rasiju ŭvosień 2022 hoda, kali jaje muža Maksima Hałkina ŭnieśli ŭ rejestr zamiežnych ahientaŭ. Paśla hetaha Ała Puhačova paprasiła dadać jaje ŭ šerahi «zamiežnych ahientaŭ» uśled za mužam.
Jana napisała, što salidarnaja ź im, u pryvatnaści, u tym, što jon žadaje spynieńnia «hibieli našych chłopcaŭ za iluzornyja mety, jakija robiać našu krainu izhojem i ŭskładniajuć žyćcio našym hramadzianam».
Puhačova pryjazdžała ŭ mai 2023 hoda ŭ Maskvu na pachavańnie svajho siabra, dyzajniera jaje sceničnych kaściumaŭ, madeljera Valancina Judaškina, ale potym pakinuła Rasiju.
U pačatku sakavika Ała Puhačova apublikavała dopis, jaki paličyli pryśviečanym Alaksieju Navalnamu.
«Pieršaja niadziela viasny. Śviata žoŭtych kvietak. Nie zdavajciesia! Nie padajcie ducham! Mir vašamu domu», — napisała jana.
«Nie zdavajciesia», — tak adkazaŭ Alaksiej Navalny na pytańnie, jakija b słovy jon pakinuŭ rasijanam na vypadak, kali jaho zabjuć.
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych17
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary