Dzie tańniejšyja ciulpany — u pradaŭcoŭ na vulicy ci ŭ kramie?
Pahladzieli, kolki kaštujuć kvietki napiaredadni 8 Sakavika ŭ Minsku i rehijonach.
U Minsku kala mietro ciulpany pradajuć pa 3,5 rubla za štuku. Na Kamaroŭcy ceny pačynajucca ad 3 rubloŭ za ciulpančyk i dachodziać da 5-6 rubloŭ.
Zrazumieła, što ŭ zvyčajnych kramach nabyć kvietki možna bolš tanna: «Jeŭraopt» prapanoŭvaje adzin ciulpan za 2,99 rubla, u «Karonie» možna znajści bukiety z troch ciulpanaŭ za 7,20, u «Hipa» i «Susiedziach» — 7,99.
Fłarystyčnyja kramy prapanoŭvajuć raskošnyja bukiety, raźličanyja na vialiki biudžet: naprykład, na sajcie «Daliny ruž» jość varyjant za 420 rubloŭ — heta 101 žoŭty ciulpan. Tym, chto admovicca ad dastaŭki i zabiare bukiet z samavyvazam, abiacajuć skidku 20%.
U La Rose ceny pačynajucca ad 55 rubloŭ za 11 roznakalarovych ciulpanaŭ i dachodziać da 375 rubloŭ za bukiet z 75 žoŭtych.
Ale heta jašče nie samyja darahija z varyjantaŭ. Kvietačny servis zakazcvetov.by prapanoŭvaje bukiet sa 101 roznakalarovaha ciulpana za 658 rubloŭ ci košyk z 85 ciulpanami «Połymia» i 6 halinkami eŭkalipta za 695 rubloŭ.
Ahlad cen na kvietki ŭ Babrujsku zrabiła błohierka, jakaja viadzie tyktok pad nikam @anya_bobruisk — za dzień videa nabrała kala 620 tysiač prahladaŭ i bolš za 7 tysiač łajkaŭ. Jana raspaviała, što na płoščy nasuprać vystavačnaj zały pradavački prosiać za adzin ciulpan 3,50 rubla, a vialikuju halinku mimozy addajuć za 15 rubloŭ (maleńkuju za 13).
Zazirnuła błohierka i ŭ kramu «Kapieječka» — tam bukiet z troch kvietak kaštuje 6,89 rubla. A ŭ kvietačnaj kramie kala haścinicy «Babrujsk» dziaŭčyna pabačyła ciulpany pa 3 rubli za štuku i bukiet z 11 kvietak za 40 rubloŭ.
U kamientaryjach ludzi aburajucca cenami: «Praz svaju skvapnaść pałovu kvietak vykinuć na śmietnik 9 sakavika», «Kožny hod usio daražej i daražej», «U nas horad dla bahatych», «Na Tabarach skrynka mimozy 10 kiłahram — 170 rubloŭ, značyć, 1 kiłahram — 17 rubloŭ, a tut halinka 15 rubloŭ? Praŭda?».
Prahučała i rytaryčnaje pytańnie: «Cikava, čamu škarpetki pierad 23 lutaha nie daražejuć?»
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych20
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary