Barys Hryzłoŭ nazvaŭ hałoŭny pryjarytet na pasadzie pasła ŭ Biełarusi
Novy pasoł Rasii ŭ Biełarusi Barys Hryzłoŭ paviedamiŭ, što ličyć svaim hałoŭnym pryjarytetam na hetaj pasadzie praciah šmatpłanavaj intehracyi ŭ ramkach Sajuznaj dziaržavy.
«Pryjarytety ŭ pracy pasła vyznačajucca zadačami, jakija ŭ adpaviednaści z kanstytucyjaj i stavić prezident Rasijskaj Fiederacyi. Hałoŭny pryjarytet — praciah našaj šmatpłanavaj intehracyi ŭ ramkach pastupalnaha vykanańnia Dahavora ab Sajuznaj dziaržavie ad 1999 hoda, paśladoŭnaje zbližeńnie ŭ ramkach Sajuznaj dziaržavy na pryncypach suvierennaj roŭnaści, dobraachvotnaści i dobrasumlennaha vykanańnia ŭzajemnych abaviazacielstvaŭ», — zajaviŭ jon TASS u svaim pieršym intervju paśla pryznačeńnia na dypłamatyčnuju pasadu.
Pavodle słoŭ Hryzłova, klučavaja meta intehracyi — pavysić dastatak, zabiaśpiečyć hodny ŭzrovień i jakaść žyćcia rasijan i biełarusaŭ.
«Rasijskaja Fiederacyja źjaŭlajecca hałoŭnym dziełavym partnioram Respubliki Biełaruś, zabiaśpiečvajučy amal pałovu źniešniehandlovaha abarotu Respubliki. Umacavańnie ahulnaj ekanamičnaj prastory, pabudova paŭnavartasnaha ekanamičnaha suvierenitetu Sajuznaj dziaržavy dziela dabrabytu i roskvitu našych narodaŭ — u hetym bačym stratehična važnyja i patrebnyja ludziam zadačy dla abiedźviuch krain», — dadaŭ jon.
Pasoł adznačyŭ, što asablivy charaktar miždziaržaŭnych adnosin dazvalaje raspaŭsiudžvać na Biełaruś šerah prefierencyj, u ich liku «kamfortnyja ceny na rasijskija enierhanośbity, ilhotnyja ŭmovy kredytavańnia, sproščany dostup na rasijski rynak biełaruskaj pradukcyi». Taksama realizujucca sumiesnyja maštabnyja prajekty ŭ śfierach enierhietyki, transpartu i pramysłovaści.
-
Daradca Cichanoŭskaj raskazaŭ, jak jon razam ź Viačorkam sustrakaŭ vyzvalenuju Alenu Maŭšuk
-
«Prakuror skazaŭ, što mnie treba pakinuć Biełaruś». Byłaja palitźniavolenaja Alena Maŭšuk raskazała pra ŭmovy svajho vyzvaleńnia
-
Pry spryjańni ZŠA vyzvalili šmatdzietnuju Alenu Maŭšuk — sanitarku balnicy, jakaja na pratestach u Pinsku ŭdaryła kałom pa siłavikach
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych17
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary