Ekśpierty spadziajucca, što jon stanie častkaj prahramy lačeńnia razam ź imunaterapijaj.
Navukoŭcy pry padtrymcy prahramy Breast Cancer Now Catalyst Program vyvučajuć mahčymaść užyvać aśpiryn u lačeńni ahresiŭnaj formy raku hrudziej. Jany spadziajucca, što hety tanny i papularny preparat u kambinacyi ź imunaterapijaj moža dapamahčy pacyjentam z trojčy niehatyŭnym rakam hrudziej.
Padčas daśledavańniaŭ navukoŭcy buduć prymianiać preparat aviełumab u kambinacyi z aśpirynam i bieź jaho pierad tym, jak pacyjenty projduć praz chimijaterapiju i chirurhičnaje lačeńnie. Vierahodna, aśpiryn pavysić usprymalnaść puchlin da inšych elemientaŭ terapii, piša Guardian.
Kali daśledavańnie projdzie paśpiachova, navukoŭcy praciahnuć kliničnyja ispyty spałučeńnia aviełumaba i aśpiryna ŭ baraćbie z trojčy niehatyŭnym rakam hrudziej. Heta małaraspaŭsiudžanaja, ale časta dastatkova ahresiŭnaja forma raku, jakaja bolš sustrakajecca ŭ maładych žančyn i afraamierykanak.
Takoje lačeńnie moža mieć vialikija pierśpiektyvy, bo aśpiryn — tanny i duža papularny preparat. Navukoŭcy dapuščajuć, što jon moža pavialičyć efiektyŭnaść imunaterapii, bo pry ŭžyvańni aśpirynu puchlina nie budzie vyrablać rečyvy, jakija asłabiać imunny adkaz.
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych17
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary