U Lidskim rajonie prybirać kamiani z paloŭ adpravili administracyjna asudžanych
U Lidskim rajonie asudžanych pa administracyjnych artykułach adpravili ŭ pali prybirać kamiani, zaŭvažyŭ Reform.news. Čynoŭniki śćviardžajuć, što hetaja praca apłačvajecca.
Namieśnik staršyni Lidskaha rajvykankama Alaksandr Časnojć raskazaŭ, što administracyjna asudžanyja pracujuć u palach z 8-j ranicy da 5-j viečara. Pavodle jaho, za pracu im płaciać «ažno» pa 20 rubloŭ.
U siužecie rehijanalnaha TB zajavili, što mienavita ŭ takuju sumu abychodzicca ŭtrymańnie pravaparušalnikaŭ u CIP u sutki. Aŭtary siužetu nazvali pracu ŭ poli «hramadska karysnaj pracaj».
Čynoŭniki zaklučyli damovy na takuju pracu z pradpryjemstvami «Vavierka-Ahra» i «Pieskaŭcy». Sa słoŭ Časnojcia, vykankam maje namier pašyrać takoje supracoŭnictva.
Paśla taho, jak Łukašenka zładziŭ raznos z nahody kamianioŭ na palach u Hrodzienskaj vobłaści i pahražaŭ miascovym kiraŭnikam Uładzimiru Karaniku i Juryju Karajevu turmoj, prybirać kamiani adpravili biudžetnikaŭ, navučencaŭ i vajskoŭcaŭ. U Minskim rajonie na hetuju pracu mabilizavali ludziej, jakija adbyvajuć «chatniuju chimiju», u Mahilovie ŭ poli papracavali chakieisty.
Napiaredadni Łukašenka patłumačyŭ, čamu prybirać kamiani adpraŭlajuć ludziej, a nie techniku. Pavodle jaho, tak našmat tańniej.
Łukašenka patłumačyŭ, navošta biudžetnikaŭ adpraŭlajuć prybirać kamieńnie z paloŭ
U Mahilovie prybirać kamiani z paloŭ adpravili chakieistaŭ
U Minskim rajonie na prybirańnie kamianioŭ z paloŭ mabilizavali asudžanych na «chatniuju chimiju»
Biełaruski Stoŭnchendž ci siaredniaviečnyja mohiłki? Admietny kompleks vałunoŭ u Białynickim rajonie dahetul toić zahadki
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi49
Kamientary