Бяздомны-эрудыт, які знік у Гомелі, знайшоўся ў рэанімацыі. Ён вядомы па блогу папулярнага тыктокера
Алега шукалі больш за 10 дзён. Пра тое, што здарылася, расказаў блогер Анатоль Rubakha Go.
17 гадовы блогер Анатоль Rubakha Go атрымаў папулярнасць у TikTok дзякуючы сваёй дабрыні і дапамозе людзям у складаных сітуацыях. У сваіх роліках ён бярэ інтэрв'ю ў бяздомных, задае ім школьныя пытанні на кругагляд, а таксама купляе ім прадукты і адзенне. Адзін з яго падапечных — бяздомны Алег, самы эрудаваны ўдзельнік блога.
Надаўна Алег знік. Мужчыну шукалі больш за дзесяць дзён. Пра гэта ў відэа расказваў яго сябар Дзіма, які з ім «хадзіў і жыў». Як высветлілася, Алег трапіў у бальніцу з сур'ёзнымі праблемамі з лёгкімі.
Блогер Анатоль разам з Вікторыяй (той самай бяздомнай жанчынай, якой ён абяцаў купіць кватэру) прыйшлі ў краму, каб набыць прадметы гігіены для Алега.
«Нам далі невялікі спіс, што трэба ўзяць яму. Тут пітная вада, бутэлечка з паільнікам, памперсы для дарослых, туалетная папера, мяшкі для смецця, вільготныя сурвэткі», — расказаў хлопец.
У ранейшым відэа блогер расказваў, што апошнія некалькі месяцаў у Алега пачаліся праблемы з памяццю.
«Ён не памятае, што было цяпер. Напрыклад, калі яму сказаць, колькі часу, і запытацца праз некалькі хвілін колькі, ён забывае, кажа, што не ведае. Таксама не памятае, які цяпер месяц, дзень. Але ўсе веды, якія ў яго былі раней, на пытанні, якія ён адказвае, усё гэта захавалася», — дзяліўся блогер.
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог10
Каментары
Дзяўчаты! шыкуйцеся ў чаргу па мужыка!