Усаў знайшоў нагоду ўпікнуць Ціханоўскую — бо выказала спачуванні сем’ям ахвяраў тэракту
Палітык Павел Усаў, адзін з лідараў руху «Вольная Беларусь», адрэагаваў на зварот Святланы Ціханоўскай. Тая ўвечары пасля тэракту ў Маскве выказала спачуванні сем’ям ахвяраў.
«У Расіі адбыўся тэракт, загінулі каля 40 чалавек, сотні параненых. Некаторыя, у тым ліку прадстаўнікі беларускай дэмапазіцыі, для піяру ці па старой звычцы пачалі выказваць слёзныя спачуванні.
«Я выражаю искренние соболезнования семьям и близким погибших в этой чудовищной трагедии. И желаю здоровья всем тем, кто пострадал» (Тихановская).
Трагедыя? Так? Па-чалавечы?
Тады чаму б па-чалавечы штодня не выказваць спачуванні украінцам, якія гінуць ад рэгулярных абстрэлаў, калі ад расійскіх ракет і бомб руйнуюцца дамы і цэлыя гарады. Што, ужо з гэтым звыкліся? Статыстыка? Вайна? Ужо не такая трагедыя?
У любым выпадку грамадства, якое падтрымлівае вайну і рэжым, нясе адказнасць за злачынствы і плоціць крывавую цану. Невінаватых няма», — напісаў палітык у сваім тэлеграм-канале.
Чытайце таксама:
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог12
Каментары