Кавалеўскі і Лябедзька адправіліся ў Кіеў для перамоў і перадачы дапамогі беларускім добраахвотнікам
Пачынаецца працоўны візіт намесніка кіраўніцы, прадстаўніка па замежных справах Кабінета Валера Кавалеўскага ва Украіну. У візіце таксама бяруць удзел дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька і кіраўнік Місіі дэмакратычнай Беларусі ў Кіеве Генадзь Манько, паведамляе тэлеграм-канал АПК.
Падчас паездкі запланаванае абмеркаванне з дэпутатамі Вярхоўнай Рады і некаторых еўрапейскіх парламентаў стану беларуска-ўкраінскіх адносін, адбудуцца сустрэчы з афіцыйнымі асобамі і прадстаўнікамі дыпламатычнага корпусу ў Кіеве.
Беларусы перададуць гуманітарны груз для беларускіх добраахвотнікаў ва Украіне, які набылі за грошы беларускага прыватнага ахвярадаўцы, імя якога не называецца.
Таксама запланаваныя сустрэчы з дэпутатамі Вярхоўнай Рады Украіны, з прадстаўнікамі беларускай дыяспары ў Львове.
«Мы абмяркуем праблематыку беларуска-ўкраінскіх адносін і перспектывы іх далейшага развіцця. Неабходна надаць новую ўвагу пытанням, з якімі сутыкаецца беларуская супольнасць ва Украіне. Кіеў — месца актыўнай міжнароднай палітыкі, што вызначае важнасць супрацоўніцтва з дыпламатычным корпусам ва Украіне», — распавёў Валер Кавалеўскі.
-
Метрабудаўнікі паказалі, як будуць выглядаць новыя станцыі метро на ўчастку ад «Пярэспы» да станцыі «Парк Дружбы народаў»
-
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог
-
Палітвязня Эдуарда Бабарыку зноў будуць судзіць за «непадпарадкаванне адміністрацыі калоніі»
Алексін і Тапузідзіс скончылі вайну за тытунёвы рынак Беларусі. Абодва прайгралі. А вось хто, здаецца, перамог9
Каментары