Учора стала вядома, што шасцёра каліноўцаў не вярнуліся з баявога задання. Сярод іх — Ян Дзюрбейка, відэа з якім апублікаваў адзін з расійскіх тэлеграм-каналаў.
Хлопец нарадзіўся ў 1996 годзе ў пасёлку Лясны, які знаходзіцца каля Бараўлянаў. Вучыўся ў бараўлянскай школе, а пасля паступіў у Беларускую дзяржаўную акадэмію авіяцыі на спецыяльнасць «Тэхнічная эксплуатацыя авіяцыйнага абсталявання». Падчас вучобы падпрацоўваў у KFC, а апошнім месцам працы хлопца стаў Мінскі механічны завод імя Вавілава — гэта аптычны завод, які ўваходзіць у структуру БелОМА.
У інтэрв'ю радыё «Унэт» хлопец прызнаваўся, што Лукашэнку не любіў з маладосці, але да 2020 года Ян не ўдзельнічаў у пратэстах. У 2020 ён уключыўся ў рух за змены ў краіне.
Яна затрымалі на Дзяды, 1 лістапада 2020 года, асудзілі на 15 сутак і завялі супраць яго крымінальную справу. І ўжо 29 лістапада, пасля ператрусу і ўгавораў маці, ён выехаў з Беларусі ва Украіну і жыў у Кіеве. Працаваў ахоўнікам і маляром.
Па яго словах, пачатак вайны стаў для яго шокам — пасярод ночы пазваніла маці і сказала: «У вас пачалася вайна!» Спачатку хлопец вагаўся, але вырашыў, што застанецца бараніць Украіну, і 28 лютага запісаўся ў тэрабарону.
«Для мяне матывацыя досыць простая, — казаў Ян украінскаму 24-му каналу. — Мала таго, што я застаўся без радзімы, дык цяпер вораг руйнуе і новы дом. Расія руйнуе Украіну. Цяпер пачалася вайна, і мне зразумела, што беларусы далучацца да вайны ва Украіне супраць расійскай агрэсіі. У мяне засталіся знаёмыя ў Беларусі. Ваяваць супраць Украіны з іх ніхто не хоча. Наколькі мне вядома, у беларускай арміі нізкі маральны дух і ў іх няма ніякага жадання ехаць ва Украіну на вайну».
«Бараніць свой дом — гэта святы абавязак кожнага, — казаў ён Радыё «Унэт». — Таму тым, хто прыйшоў сюды з боем, я дам бой. Хацелася б, каб вайна скончылася як мага раней, але я гатовы да зацяжнога канфлікту. Хачу вярнуцца на айчыну і спадзяваюся, што, калі вайна скончыцца, гэта ўдасца».
У відэа з палону Ян выглядае здаровым фізічна і трымаецца годна. Ён кажа відавочна загадзя падрыхтаваны тэкст пра тое, што «спецслужбы Захаду і Украіны шантажуюць беларусаў замежжа выдачай у Беларусь, каб яны ішлі ваяваць у Полк Каліноўскага».
З-пад Лісічанска не вярнуліся шэсць беларусаў-каліноўцаў. Апошнім паведамленнем было: «На нас едзе танк. Адпрацаваў па ім»
«Мяне проста вывезлі на мяжу». Прарасійскага блогера амаль на месяц закрылі ў ізалятар, а пасля выкінулі з Беларусі3
Каментары