Kala miažy ź Biełaruśsiu źbiehli troje rasijskich zekaŭ, jakich vieźli na vajnu
U Branskaj vobłaści abviaścili ŭ vyšuk desantnikaŭ, jakich z turmy zavierbavali na vajnu z Ukrainaj. Ale da tak zvanaj SVA jany nie dajechali, a ŭciakli.
«2 lutaha padčas transparciroŭki ŭ zonu praviadzieńnia SVA źbiehli troje byłych źniavolenych — vajskoŭcaŭ 104 desantna-šturmavoha pałka 76 desantna-šturmavoj dyvizii PDV RF», — paviedamlaje kanał «Dośje špiona».
Jon publikuje aryjenciroŭku na desantnikaŭ-zekaŭ.
Heta Čuhajeŭ Kanstancin Mikałajevič, 1989 h.n., radavy, Michajłaŭ Maksim Siarhiejevič, 1989, małodšy siaržant, a taksama Nikicin Leanid Alaksiejevič, 2005, radavy.
Padčas uciokaŭ, paviedamlaje kanał, jany adkryli ahoń pa vajennasłužačych pałka, adzin ź ich paranieny.
Vyšukovyja mierapryjemstvy pravodziacca na terytoryi Branskaj i susiednich abłaściej.
Nasieleny punkt Siešča Branskaj vobłaści, skul źbiehli zeki, znachodzicca za 50-70 km ad nasielenych punktaŭ Biełarusi.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary