Staršyniam rajvykankamaŭ daduć prava ŭzhadniać kiraŭnikoŭ pryvatnych pradpryjemstvaŭ
Kiraŭnik administracyi Łukašenki Dźmitryj Kruty paviedamiŭ pra hatoŭnaść dakumienta, jaki maje značna ŭzmacnić paŭnamoctvy viertykalščykaŭ na miescach. Dakumient moža być padpisany ŭžo da 1 sakavika.
Pavodle słoŭ Dźmitryja Krutoha, staršyniam rajvykankamaŭ buduć dadzienyja jašče bolš šyrokija paŭnamoctvy ŭ śfiery kadraŭ.
«Staršynia rajvykankama budzie ŭzhadniać kiraŭnikoŭ terytaryjalnych orhanaŭ usich ministerstvaŭ i viedamstvaŭ (akramia KDB), kiraŭnikoŭ klučavych arhanizacyj rajona ŭsich formaŭ ułasnaści pa pieraliku, jaki zaćvierdzić sam vykankam», — zajaviŭ Dźmitryj Kruty.
Praŭda, jon paabiacaŭ, što ŭ takich pieralikach nie budzie drobnych ustanoŭ kštałtu kiraŭnictva cyrulni abo nievialikaj apteki.
«Heta pieralik kampanij, arhanizacyj, jakija jość u rajonie i jakija sapraŭdy ŭpłyvajuć z punktu hledžańnia biudžetnych dachodaŭ, inviestycyjnaj aktyŭnaści i zaniataści nasielnictva. Sapraŭdy klučavyja subjekty buduć uzhadniacca z kiraŭnikom rajvykankama», — rastłumačyŭ Kruty.
Pavodle jaho słoŭ, ciapier staić pytańnie ŭdziełu arhanizacyj pryvatnaha siektara ŭ mierapryjemstvach pa ŭparadkavańni haradoŭ. Dla arhanizacyj, jakija buduć vydzialać resursy na tyja ci inšyja abjekty ŭparadkavańnia, buduć zroblenyja padatkovyja pasłableńni.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie6
Kamientary
...
na prysiadzibnym učastku staršyni rajvykankama ?