Paŭłu Vabiščeviču, jakoha abvinavacili nibyta ŭ sprobie padryvu pasažyrskaha ciahnika, dali 23 hady kałonii
Paŭła Vabiščeviča i Andreja Zinienku, jaki atrymaŭ 12 hadoŭ kałonii, zatrymali ŭ noč na 27 žniŭnia 2023 hoda na čyhuncy ŭ Staŭbcoŭskim rajonie niedaloka ad naftabazy i prypynačnaha punkta Siniava.
Śledstva śćviardžała, što Vabiščevič nibyta atrymaŭ zadańnie ŭstalavać vybuchovuju pryładu na čyhunačnym šlachu na ŭčastku Minsk — Baranavičy ŭ rajonie pierahonu Stoŭbcy — Haradzieja.
Bližejšym pa časie ciahnikom, jaki pavinien byŭ prajści praz nazvany pierahon, byŭ pasažyrski ciahnik №658 pa maršrucie «Brest — Minsk — Połack», u jakim znachodziłasia 358 pasažyraŭ.
Suprać ich adrazu byli zaviedzieny kryminalnyja spravy pavodle č. 2 art. 289 KK (zamach na ździajśnieńnie akta teraryzmu hrupaj asob) i č. 1 art. 356 KK (zdrada dziaržavie). Ich źmiaścili ŭ SIZA KDB. Da suda im dadali abvinavačvańnie jašče pavodle dvuch artykułaŭ Kryminalnaha kodeksa: č. 4 art. 295 KK (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ), č. 4 art. 309 KK (naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin).
Sud nad mužčynami raspačaŭsia 12 śniežnia 2024 hoda ŭ Minskim abłasnym sudzie. Spravu ŭ zakrytym režymie razhladaŭ Siarhiej Jepichaŭ.
Dziejańni Vabiščeviča i Zinienki kvalifikavany jak:
niezakonny abarot vybuchovych rečyvaŭ i vybuchovych pryład (č.4 art. 295 Kryminalnaha kodeksa Respubliki Biełaruś) i dziaržaŭnaja zdrada (č.1 art. 356 KK RB).
Dziejańni Vabiščeviča kvalifikavany jak: padrychtoŭka da aktu teraryzmu (č.1 art. 13, č.3 art. 289 KK RB) i padrychtoŭka da pryviadzieńnia ŭ nieprydatnaść srodkaŭ čyhunačnaha transpartu (č.1 art. 13, č.4 art. 309 KK RB).
Vabiščeviču pryznačana 23 hady z vypłataj štrafu 700 bazavych vieličyń (29,4 tys. rubloŭ). Zinienku prysudžany 12 hadoŭ pazbaŭleńnia voli sa štrafam u pamiery 600 bazavych vieličyń (25,2 tys. rubloŭ).
Abodva buduć adbyvać pakarańnie ŭ vypraŭlenčaj kałonii va ŭmovach uzmocnienaha režymu.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8
Kamientary