Dva homielskija kur‘jery zabrali 100 tysiač u 87-hadovaj žančyny, kinuli kuratara i pačali sałodkaje žyćcio
U milicyju źviarnułasia 87-hadovaja achviara machlaroŭ. Staraja žančyna pavieryła ŭ historyju pra DTZ, vinavataj u jakim nibyta akazałasia jaje ŭnučka, paviedamlaje pres-słužba MUS.
Kab svajačka nie paniesła kryminalnuju adkaznaść, žančyna pieradała prybyŭšym kurjeram amal 100 tysiač rubloŭ.
Śledčyja ŭstanavili asoby machlaroŭ i pry padtrymcy supracoŭnikaŭ DAI pa haračych śladach zatrymali dvuch hamialčan 19 i 20 hadoŭ. Jany pryznalisia, što znajšli prapanovu pra kryminalny «zarobak» u internecie i paśpieli naviedać tolki adzin adras.
Paśla atrymańnia hrošaj fihuranty vyrašyli pakinuć usiu sumu sabie i pierastali adkazvać na paviedamleńni kuratara. Najaŭnyja jany tracili na darahija hadžety, ałkahol i pajezdki na taksi sa ščodrymi čajavymi. Bolšaja častka skradzienaha ŭ ich kanfiskavana i budzie viernuta paciarpiełaj.
Śledčyja zaviali kryminalnuju spravu za machlarstva, ździejśnienaje ŭ asabliva bujnym pamiery. Zatrymanym pahražaje da 10 hadoŭ pazbaŭleńnia voli.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie8
Kamientary