Stvorany asfalt, jaki sam siabie ramantuje i adnaŭlaje
Revalucyjnaja raspracoŭka ŭbačyła śviet dziakujučy kampanii Google i jaje štučnamu intelektu.
Usie krainy śvietu sutykajucca z surjoznaj prablemaj u vyhladzie jamaŭ i raskolin na asfaltavanych darohach, što vyklikaje nie tolki vializnyja finansavyja straty dla dziaržaŭ, ale i razdražnieńnie siarod zvyčajnych kiroŭcaŭ. Hetaj prablemie, adnak, nie zastajecca isnavać doŭha.
Jak piša aficyjny błoh Google, daśledčyki z Karaleŭskaha kaledža Łondana i ŭniviersiteta Suonsi ŭ supracoŭnictvie z navukoŭcami z Čyli i samimi supracoŭnikami Google stvaryli novy typ asfaltu, jaki zdolny samastojna adnaŭlać paškodžańni.
Źjaŭleńnie raskolin i jamaŭ u asfalcie časta źviazanaje z akiśleńniem bitumu (pradukta vyvietryvańnia nafty) — klejkaha čornaha rečyva, jakoje vykarystoŭvajecca ŭ asfaltavych sumiesiach. Navukoŭcy z dapamohaj štučnaha intelektu (ŠI) ad Google detalova daśledavali miechanizm pracesu akiśleńnia bitumu i znajšli sposab, jak jaho spynić i prymusić pracavać u zvarotny bok.
«Dla daśledavańnia składanych arhaničnych malekuł u bitumie było vykarystana mašynnaje navučańnie ŠI — padychod značna chutčejšy i tańniejšy za tradycyjnyja vyličalnyja madeli. Heta dazvoliła nam detalova vyvučyć praces akiśleńnia asfaltu i stvaryć novuju sumieś ź bitumu i śpiecyjalnych porystych sporaŭ raślin, prasiaknutych pierapracavanymi alejami.
Pad ciskam kołaŭ transpartu spory ŭ asfalcie adrazu vyzvalajuć alivy, jakija pranikajuć u raskoliny, źmiakčajuć bitum i dapamahajuć jamu iznoŭ złučacca ŭ adzinaje cełaje.
Ideja natchnionaja samoj pryrodaj, dzie niekatoryja raśliny i žyvioły zdolnyja rehienieravać svaje paškodžanyja tkanki», — adznačajuć navukoŭcy.
Pa ich słovach, technałohija jašče pakul nie hatovaja dla vypusku na rynak, ale jana abiacaje biesprecedentna ŭdaskanalić suśvietnuju infrastrukturu daroh i istotna źmienšyć vydatki na ich ramont.
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary