Chłopiec padniaŭ dziaŭčynu na ruki, upaŭ — i apynuŭsia na invalidnym vazku. Ale nie zdajecca
Minčuk Andrej Babinski pieražyŭ ciažkuju traŭmu, paśla jakoj znajšoŭ siabie ŭ paralimpijskim sporcie.
Da 2017-ha Andrej Babinski žyŭ zvyčajnym žyćciom. U červieni taho hoda, paśla paśpiachovaj letniaj siesii, 19-hadovy chłopiec vyjšaŭ na špacyr ź siabrami. U niejki momant jon padniaŭ na ruki svaju dziaŭčynu, spatyknuŭsia i ŭpaŭ. Chłopiec mocna ŭdaryŭsia hałavoj i šyjaj, vynik — zakryty askiepkavy pierałom šyjnych pazvankoŭ z udaram śpinnoha mozha.
Andrej raskazvaje ŭ tyktoku, što adrazu paśla padzieńnia daktary nie nadta vieryli ŭ jaho pierśpiektyvy — maŭlaŭ, kali i vyžyvie, usio roŭna nie zdoleje viarnucca da paŭnavartasnaha žyćcia, budzie paralizavany. Što da dziaŭčyny, jakuju jon padniaŭ na ruki ŭ toj samy dzień, to jany z Andrejem razyšlisia chutka paśla jaho trahičnaha padzieńnia.
I tym nie mienš chłopiec zdoleŭ adaptavacca da novaha žyćcia i pryniać svaju invalidnaść. Andrej prajšoŭ praz šmat reabilitacyj. Na siońnia jon karystajecca invalidnym vazkom, tamu što nohi ŭ jaho paralizavanyja, taksama ŭ chłopca drenna dziejničajuć palcy na rukach.
Andrej zajmajecca paralimpijskim sportam i zmoh atrymać zvańnie majstra sportu — jon kidaje bułavu. Atrymałasia vyjści na mižnarodny ŭzrovień: u červieni 2024-ha Babinski paŭdzielničaŭ u paralimpijskich spabornictvach u Paryžy, dzie zaniaŭ druhoje miesca ŭ svajoj katehoryi.
U sacsietkach chłopiec publikuje šmat kadraŭ sa zvyčajnaha žyćcia: naprykład, videa z kancertaŭ, padarožžaŭ i spartovych spabornictvaŭ. Jon zaŭzieje za chakiejnaje minskaje «Dynama».
Pra adukacyju Andrej taksama nie zabyvaje — naprykład, jon kaža, što viedaje niekalki movaŭ prahramavańnia. A jašče ŭ jaho atrymałasia znajści kachańnie, i ŭ adnym z rolikaŭ chłopiec zhadvaje «doŭhačakanaje papaŭnieńnie».
Dla Andreja meta tyktoku — raskazvać i pakazvać na ŭłasnym prykładzie, što taki dyjahnaz, jak u jaho — heta nie prysud. Ciapier chłopiec maje 418 tysiač padpisčykaŭ.
Akramia ŭłasnaha žyćcia, jon časam dzielicca roznymi dumkami pra svoj stan i jaho pryniaćcie:
«Adzin momant źmianiŭ majo žyćcio, i ja zrazumieŭ — varta tolki inakš pahladzieć na rečy, i žyćcio paciače ŭ inšym kirunku».
«Naša Niva» — bastyjon biełaruščyny
PADTRYMAĆ«Čamu pad vyhladam trochpakajovych kvater stali pradavać dvuchpakajovyja?» Błohierka krytykuje rynak nieruchomaści
Tyktok u zachapleńni ad pracavitaści hetaha biełarusa: dva hady jon biŭsia nad tym, kab vyvieści idealnuju «sałodkuju bulbu»
Dziaŭčyna arandavała na dzień narodzinaŭ zamak pad Minskam — i ŭzarvała tyktok
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary