Hurt Black Sabbath i jaho lehiendarny vakalist Ozi Osbarn voźmuć udzieł u dabračynnym kancercie, jaki adbudziecca 5 lipienia ŭ Birminhiemie. Heta budzie maštabny adnadzionny fiestyval na Villa Park, dzie vystupiać dziasiatki hurtoŭ, natchnionych tvorčaściu Black Sabbath, uklučajučy Metallica, Pantera, Slayer, Gojira i Anthrax, piša Bi-bi-si.
Kancert stanie pieršym za 20 hadoŭ vystupleńniem aryhinalnaha składu Black Sabbath: Ozi Osbarna, Toni Ajomi, Hiziera Batlera i Biła Uorda.
«Apošniaje raźvitańnie»
Ozi Osbarn, jaki byŭ vymušany skaracić hastroli z-za chvaroby Parkinsana i traŭmaŭ chrybietnika, vykanaje karotki solny set, a zatym dałučycca da hurta.
Jahonaja žonka Šeran paviedamiła Bi-bi-si, što Osbarn rašuča nastrojeny dać finalny kancert.
«Jon adčuvaje siabie vydatna, sapraŭdy vydatna, — skazała jana. — Jon strašenna rady hetamu kancertu, tamu što znoŭ budzie razam z chłopcami i siabrami. Heta chvalujuča dla ŭsich».
Adnak u toj ža čas Šeran Osbarn paćvierdziła, što heta budzie kančatkovaje raźvitańnie 76-hadovaha Osbarna sa scenaj.
«Ozi nie mieŭ mahčymaści raźvitacca ź siabrami i fanatami, jon adčuvaje, što nie pastaviŭ apošniuju kropku. Heta i jość jaho apošniaja kropka».
Kancert atrymaŭ nazvu Back To The Beginning («Viartańnie da vytokaŭ»).
Praz staryja traŭmy i pastaŭleny dyjahnaz chvaroby Parkinsana Ozi Osbarn pajšoŭ ź vialikaj sceny paśla zakryćcia Hulniaŭ Sadružnaści ŭ 2022 hodzie.
Niahledziačy na heta, niadaŭna jon skazaŭ vydańniu Rolling Stone UK, što ŭsio jašče choča vystupać.
«Ja idu dzień za dniom, i kali zmahu znoŭ vystupać — ja zrablu heta, — adznačyŭ jon. — Ale ja nie vyjdu na scenu, kali nie budu hatovy addać siabie na ŭsie sto.»
Finalny kancert stanie apošnim šancam ubačyć Black Sabbath u aryhinalnym składzie i adnačasova raźvitacca ź lehiendaj chevi-mietała.
Ozi Osbarn admianiŭ usie kancerty. Jon bolš nie budzie jeździć u tury
Ozi Osbarn vypuścić abmiežavanuju sieryju płaścinak ź jaho novym albomam u kolerach ukrainskaha ściaha
Papularny brytanski śpiavak raskazaŭ, što ŭ jaho chvaroba Parkinsona
Navukoŭcy vyśvietlili, čamu Ozi Osbarn moža stolki vypić
Ozi Osbarn nazvaŭ svoj hałoŭny strach
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary