Žycharu Rasii, jakoha źniali ź ciahnika i abvinavacili ŭ sprobie źjechać vajavać na baku Ukrainy, dali dzieviać hadoŭ kałonii
Vałhahradski abłasny sud prysudziŭ da dzieviaci hadoŭ kałonii strohaha režymu Siarhieja Mironava z horada Kamyšyna, jakoha abvinavacili ŭ sprobie źjechać, kab vajavać na baku Ukrainy.
Pa viersii śledstva, kamyšyniec «ustupiŭ u pierapisku z pradstaŭnikom śpiecsłužbaŭ Ukrainy», «zapisaŭ na mabilny telefon videarolik ab žadańni pierajści na bok praciŭnika» i na adpraŭlenyja surazmoŭcam hrošy kupiŭ kvitki na ciahnik, paviedamlaje «Miedyjazona».
Mironava zatrymali, kali jon sieŭ u vahon.
Pavodle apublikavanaha FSB u krasaviku 2024 hoda videa, heta adbyvałasia na čyhunačnym vakzale Kamyšyna. Mužčynu, jaki trymaŭ u rukach pakiet z Fix Price i nievialikuju čornuju sumku dla kamputara, pavalili na padłohu ŭ prachodzie vahona, a potym jaho vyvieli ŭ kajdankach.
Suprać Śmirnova raspačali spravu ab padrychtoŭcy da dziaržzdrady, jon pryznaŭ vinu (Častka 1 artykuła 30, artykuł 275 KK). Na momant zatrymańnia jamu było 42 hady, adznačyli ŭ FSB.
43-hadovy mužčyna raniej padavaŭsia na mikrakredyty i šukaŭ pracu achoŭnikam. Jaho paštovy adras jość siarod uciečak klijentaŭ bukmiekiera 1win i ludziej, jakija rehistravalisia na sajcie free.navalny.com i tych, chto pakinuŭ zajaŭku na ŭdzieł u akcyi ŭ padtrymku apazicyjaniera.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary