U Žytkavičach u hałavie 10-hadovaha chłopčyka znajšli dźvie dzirki
Ale heta nie ad udaraŭ, tamu padstaŭ dla kryminalnaj spravy niama.
U Žytkavičach u hałavie 10-hadovaha chłopčyka znajšli dźvie dzirki. U mižrajonny adździeł Dziaržaŭnaha kamiteta sudovych ekśpiertyz (DKSE) pastupiła pastanova ab pryznačeńni sudova-miedycynskaj ekśpiertyzy paśla vyjaŭleńnia ŭ 10-hadovaha dziciaci paškodžańnia čerapa, paviedamlaje pres-słužba viedamstva.
Pieršapačatkova renthienołahi, jakija pravodzili kampjutarnuju tamahrafiju, acanili vyjaŭleny defiekt jak dzirkavaty pierałom. Pa charaktary paškodžańnia mierkavałasia, što jano mahło być vynikam udaru tupym pradmietam, što mahło stać padstavaj dla kryminalnaj spravy.
Adnak paśla sumiesnaha detalovaha analizu KT z renthienołahami z vykarystańniem hrafičnaha 3D-madelavańnia śpiecyjalisty vyjavili pryrodžanuju anamaliju — parnyja ciemiannyja adtuliny.
Heta anatamičnaja asablivaść kaściej čerapa, jakaja ŭźnikaje praz parušeńnie pracesu asifikacyi ŭ pieryjad unutryčeraŭnaha raźvićcia.
Pavodle krynic, takija adtuliny mohuć mieć roznyja pamiery, ale pry hetym miakkija tkanki hałavy zastajucca bieź źmien.
U dadzienym vypadku viedańnie asablivaściej budovy čerapa i pilnaja dyfierencyjalnaja dyjahnostyka dazvolili ekśpiertam vyklučyć fakt traŭmy i praduchilić zaviadzieńnie kryminalnaj spravy.
-
Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna
-
Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema
-
U Viciebsku try miesiacy šukali sieryjnaha lukakrada. Jaho zatrymali, ale luki praciahvajuć źnikać
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary