Abjadnany pierachodny kabiniet prapanavaŭ novaje śviata — Dzień Niazłomnaści
Śviatkavać jaho prapanujecca 2 lutaha.
Novaje śviata — Dzień Niazłomnaści — zaklikaje adznačyć Pavieł Barkoŭski, v.a. pradstaŭnika pa nacyjanalnym adradžeńni Kabinieta:
«Šanoŭnyja biełarusy i biełaruski! Zaprašaju padtrymać našuju novuju inicyjatyvu pa abnaŭleńni kalendara biełaruskich śviat — i pačać razam z nami adznačać datu 2 lutaha jak Dzień Niazłomnaści. Jon pryśviečany pamiaci našaha nacyjanalnaha hieroja Kastusia Kalinoŭskaha — heta jaho dzień naradžeńnia. I taksama hetaja data nahadvaje pra podźvih mnohich biełarusaŭ i biełarusak, jakija addali šmat sił, kab zrabić našuju krainu svabodnaj i ščaślivaj. Niezaŭsiody ich šlach pryvodziŭ da pieramohi, ale jany zmahalisia, niahledziačy ni na što», — raskazaŭ Pavieł Barkoŭski.
Što prapanujecca rabić u hety dzień?
Pavieł Barkoŭski prapanuje napisać na svaich staronkach u sacsietkach:
— pra sučasnych hierojaŭ — aktyvistaŭ, vałancioraŭ, palitviaźniaŭ, jakija zmahajucca za svabodnuju Biełaruś, i pryśviacić hetyja materyjały novamu śviatu;
— pra postać Kastusia Kalinoŭskaha ŭ našaj historyi, pra jaho idei i ŭpłyŭ na sučasnaść;
— pra vybitnych asob minułaha i sučasnaści, čyje kaštoŭnaści i idei važnyja dla zachavańnia movy, kultury i biełaruskaj identyčnaści.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Ja Vychožu
Dzień Niazłomnaści Dzień Asoby
Amal 5 hod Mara paśla ..A čamu paśla??Sieńnia Zaraz jak napamin uładzie ..budź jakoj