Biełaruska pastaviła impłant u ruku dla kantracepcyi. Što heta takoje?
Impłant dla kantracepcyi — heta nievialiki stryžań z harmonam, jaki ŭžyŭlajuć pad skuru. Na siońnia takija ličacca adnym z samych pieradavych mietadaŭ kantracepcyi. Raspytali biełarusku pra dośvied ustanoŭki impłanta i asablivaści žyćcia ź im. A taksama pacikavilisia ŭ doktara, jakaja alternatyva na siońnia najbolš efiektyŭnaja.
Kantracepcyjny impłant takoha typu ŭžyŭlajecca ŭ ruku — miakki płastykavy stryžań daŭžynioj čatyry santymietry i dyjamietram dva milimietry ŭtrymlivaje ŭ sabie rečyva etanahiestreł (sintetyčny žanočy harmon, padobny da prahiesteronu). Jon dziejničaje ŭ dva sposaby — papiaredžvaje vyjście jajcakletki ź jaječnika i vyklikaje źmieny ŭ cervikalnaj ślizi, uskładniajučy praniknieńnie śpiermatazoidaŭ u matku. Stavicca na try hady i dazvalaje nie dumać pra pryjom tabletak pa hrafiku, jak u vypadku z aralnymi kantraceptyvami.
U adroźnieńni ad kambinavanych tabletak, taki impłant pasuje žančynam, jakija nie mohuć ci nie chočuć prymać estrahieny. Taksama impłant ličycca mienš traŭmatyčnym, ź mienšaj kolkaściu pabočnych efiektaŭ na kantraście, naprykład, sa śpirallu.
Doktar, akušer-hiniekołah Stanisłaŭ Sałaviej u kamientary «Našaj Nivie» adznačyŭ, što takija impłanty na siońnia ličacca adnym z samych efiektyŭnych vidaŭ kantracepcyi, što pracujuć vyklučna prahiestynavym harmanalnym kampanientam. Ale ŭ Biełarusi jany pakul niedastupnyja.
«Čamu? Tut možna hetak ža pytacca, čamu ŭ nas niedastupnaja imunaterapija suprać raka. Ci čamu ŭ nas tolki niadaŭna stała dastupnaja ŭ kalendary vakcynacyja suprać virusa papiłomy čałavieka. Naša Minzdaroŭja troški adstałaje. A samim vytvorcam naš rynak nie zaŭsiody moža padavacca pryvabnym».
Termin dziejańnia takoha impłanta — try hady.
«Ale kali my kažam pra stabilnuju paru — heta adno, a kali havorka idzie pra roznych partnioraŭ, to harmanalny kantraceptyŭ, na žal, ad infiekcyj nie baronić. Tamu navat pry jaho najaŭnaści preziervatyŭ nichto nie admianiaje», — źviartaje ŭvahu akušer-hiniekołah.
Taksama jon dadaje, što jakimi b prahresiŭnymi i praryŭnymi ni byli sučasnyja mietady kantracepcyi, 100-pracentaj abarony ad ciažarnaści nie daje nivodny.
Biełaruska Paša Džežora pastaviła taki impłant u Polščy niekalki miesiacaŭ tamu. Nievialiki stryžań pamieram čatyry santymietry ŭžyŭlajecca ŭ ruku.
Paša raskazvaje, što vyrašyłasia na impłant jak dadatkovuju mieru biaśpieki ŭ dadatak da preziervatyvaŭ, bo žyvie ŭ Polščy, dzie na siońnia nielha svabodna rabić aborty. A vyjechać za miažu dla pracedury jana nie zmoža, bo čakaje rašeńnia pa statusu ŭciakački.
Ustanoŭka impłanta Implanon NXT u klinicy zaniała ŭsiaho paru chvilin i abyšłasia dziaŭčynie ŭ 290 dalaraŭ.
«Ja bajałasia, što moža być balučym ukoł aniestezii (mnie kałoli ŭ ruku zvyčajny lidakain), ale ničoha padobnaha. Paśla ŭkołu mnie pramacali ruku i ŭstalavali tudy impłant pry dapamozie aplikatara. Heta navat nie było niepryjemna — ja prosta adčuła lohki ruch pad skuraj».
Zažyŭleńnie, adznačaje surazmoŭca, taksama nie było balučym — u jaje zastaŭsia vyklučna siniak, i tolki pieršy čas pry naciskańni na ruku adčuvaŭsia nievialiki dyskamfort.
Pašu adrazu papiaredzili pra mahčymyja pabočki ŭ vyhladzie depresiŭnaha nastroju, źmieny ŭ libida, pavieličeńnie apietytu. I nastroili nie pieražyvać nakont mahčymych lohkich kryvianistych vydzialeńniaŭ ciaham miesiaca.
«Ale na spravie ja amal nie zaŭvažyła nijakich źmienaŭ. Zatoje adrazu adznačyła plusy: u mianie ŭsio žyćcio była piakielna balučaja mienstruacyja — absalutna lubyja miesiačnyja pryvodzili da straty prytomnaści. Ciapier ža miesiačnyja stali biespakutnymi, ja ich navat nie zaŭvažaju. Jany ŭjaŭlajuć saboj paru kroplaŭ kryvi, tak što nieabaviazkova stała karystacca zvykłymi prakładkami ci mienstrualnymi čašami. Plus palepšyłasia psichičnaje zdaroŭje: ja nie tryvožusia nakont taho, što, kali vypadkova parviecca preziervatyŭ, ja zaciažaru».
Paša pastaviła impłant na rekamiendavanyja try hady. Na bolšy termin času ŭ budučyni razhladaje harmanalnuju śpiral.
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
Biełaruskaja aktrysa daviedałasia pra ciažarnaść tolki na piatym miesiacy. Heta raspaŭsiudžanaja źjava?
«Łaŭlu na sabie pozirki ludziej stałaha ŭzrostu». Biełaruska ŭ 32 hady navažyłasia chadzić z kijem, jaki byŭ prapisany joj daŭno
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary