Hajdukievič uziaŭ novy ŭzrovień chamstva — prapanavaŭ znajści žančyn, jakija aceniać, ci jaho člen byŭ na dykpiku
Lidar Libieralna-demakratyčnaj partyi Biełarusi i budučy kandydat na prezidenckich vybarach 2025 hoda Aleh Hajdukievič robić vyhlad, što dykpik, apublikavany ŭ minułym hodzie ŭ jaho telehram-kanale, byŭ nie jahony. Ale nie spyniŭsia na hetym.
Hod tamu ŭ sumnym palityčnym žyćci Biełarusi zdaryŭsia skandał — u kanale Aleha Hajdukieviča apublikavali dykpik.
U stužcy, jakaja ŭ asnoŭnym składajecca z repostaŭ łukašysckaj prapahandy, było apublikavanaje fota erehavanaha čelesa. Padobna, z deputackaj rukoj, jak zaŭvažyła «Naša Niva».
Ale za raspaŭsiud parnahrafii Hajdukieviča, u adroźnieńnie ad zvyčajnych biełarusaŭ, nie pryciahnuli. Palityk rastłumačyŭ usio zahadkavym «uzłomam».
Ciapier vydańnie «Točka» spytała palityka, što heta było. Hajdukievič u adkaz panios niejkaje błytanaje hłupstva:
«Dzie heta ŭsio adbyłosia? U Polščy i Litvie. Na terytoryi Biełarusi nidzie hetaha nie było. Vidavočna, chto za hetym staić, kamu heta treba i chto ŭsio heta arhanizavaŭ».
I tut ža paraiŭ žurnalistam «rabić pracu bolš jakasna». Hajdukievič prapanuje znajści žančyn, jakija mohuć dać adnaznačnuju adznaku, čyja kaštoŭnaść na fota.
«Ja da hetaha nijakaha dačynieńnia nie maju. A kali b mieŭ, daŭnym-daŭno ŭsio heta dakazali i pakazali b», — kaža surazmoŭca.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary