Biełarusy za dva tydni naźbirali 15 tysiač jeŭra dla padtrymki šmatdzietnaj siamji Sierhija Mieljanca
Za dva tydni biełarusy paśpiachova sabrali 15 tysiač jeŭra dla siamji chryścijanskaha prapaviednika Sierhija Mieljanca. Praz palityčny pieraśled jon razam z žonkaj i siamiu dziećmi byŭ vymušany ekstranna pakinuć Biełaruś, paśla čaho jamu ničoha nie zastavałasia, jak źviarnucca pa dapamohu da hramadstva.
Apynuŭšysia ŭ biaśpiecy Sierhij paprasiŭ dapamohi ŭ nieabyjakavych suajčyńnikaŭ. I za karotki termin hrošy byli sabranyja.
Budučy ŭ Biełarusi, Sierhij Mieljaniec da apošniaha chadziŭ na palityčnyja sudy i choć kapiejkaj, choć žestam, choć pozirkam dapamahaŭ achviaram łukašysckaj mašyny.
Jon byŭ na pachavańni Zielcera, jon byŭ na pachavańni Puškina — kudy adzinki navažylisia pajechać. Jon mieŭ śmiełaść raskazać u siabie ŭ fejsbuku pra dziońnik Puškina, strašny dakumient jaho pakutnictva, jon mieŭ śmiełaść raskazvać pra sudy.
I tolki paśla dvajnoha aryštu, źbićcia hubazikami i prychodu kahebistaŭ da žonki stała zrazumieła, što zastavacca hetaj siamji na radzimie bolš niemahčyma. Ciapier jana ŭ biaśpiecy i dziakujučy padtrymcy ziemlakoŭ moža hladzieć u budučyniu sa strymanym aptymizmam.
Možna nie sumniavacca, što hetaja siamja i za miažoju, kali ŭstanie na nohi, budzie rabić dla inšych usio, što moža.
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych3
Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary