Hrodzienskaja školnica stvaryła ŭ tyktoku anłajn-repietytar pa biełaruskaj movie
U tym, što vučyć biełaruskuju movu možna zajmalna i viesieła, pierakonvaje akaŭnt, stvorany ŭ tyktoku vučanicaj 10-ha kłasa Hrodzienskaj himnazii №6 Dyjanaj Čamierys, paviedamlaje BiełTA.
«BiełaruskaJa» — tak dziaŭčyna nazvała svoj błoh, dzie publikuje 15-siekundnyja animavanyja videaroliki. U ich — karotkija zadańni dla tych, chto choča pravieryć i padciahnuć svaje viedy pa biełaruskaj movie.
«Ideja ŭ mianie naradziłasia letaś, kali ja vyrašyła pastupać na śpiecyjalnaść «žurnalistyka» ŭ HrDU imia Janki Kupały i prachodzić testavańnie pa biełaruskaj movie, — raskazała Dyjana. — Pa hetym pradmiecie ŭ mianie «dziaviatka», ale viedy treba pastajanna padtrymlivać i ŭmacoŭvać. Vyrašyła, što budzie karysna rabić heta takim sučasnym sposabam».
Zadumu dački padtrymała mama Julija Alaksandraŭna, jakaja, budučy pavodle adukacyi nastaŭnicaj biełaruskaj movy i litaratury, kiruje ŭ himnazii infarmacyjna-biblijatečnym centram. Ciapier Dyjana prapanuje temu, padbiraje muzyku i animacyju, mantuje, a mama jaje praviaraje ŭsio na adpaviednaść praviłam biełaruskaj movy.
«Naša hałoŭnaja meta — papularyzacyja biełaruskaj movy, — havoryć Julija Alaksandraŭna. — Razam z tym heta i pamočnik dla budučych abituryjentaŭ. U asnovie prajekta — pytańni, jakija sustrakalisia na CT u minułyja hady».
Zadački ŭ videarolikach samyja roznyja: pa hramatycy, sintaksisie, punktuacyi. Zadajecca kankretnaje pytańnie, i na praciahu 15 siekund karystalnik moža dać na jaho svoj adkaz. Paśla hetaha adkaz źjaŭlajecca na ekranie, padmacavany vytrymkaj z praviła.
Pieršy rolik dziaŭčyna zmantavała ŭ vieraśni minułaha hoda, i za karotki čas jon nabraŭ bolš za 500 prahladaŭ. Stała zrazumieła, što tema zapatrabavanaja, i tvorčaja praca praciahnułasia.
Siońnia ŭ akaŭncie «BiełaruskaJa» — kala tysiačy padpisčykaŭ, a niekatoryja siužety nabirajuć zvyš 70 tys. prahladaŭ. Rolikaŭ ža ŭ tyktoku ŭžo bolš za 300.
Jak raskazvaje Julija Čamierys, byvajuć vypadki, kali ŭ kamientarach razharajucca burnyja abmierkavańni, ludzi prapanujuć svaje varyjanty adkazaŭ. Asabliva heta tyčycca rolikaŭ, dzie treba pierakłaści słova abo słovazłučeńnie z ruskaj movy na biełaruskuju.
Dyjana i Julija Čamierys pradstavili svoj prajekt na abłasnym tury konkursu «100 idej dla Biełarusi». Žury acaniła prasunutuju raspracoŭku, i ciapier «BiełaruskaJa» rychtujecca da ŭdziełu ŭ respublikanskim etapie moładzievaha konkursu.
«Pačaŭ u volny čas dumać pa-biełarusku». Biełarusy, jakija dziesiacihodździami žyvuć u emihracyi, raskazali, jak stracili i adnaŭlali suviaź ź biełaruščynaj
Kaciaryna Cholcapfel-Varažun: U Aŭstryi pieravučyła syna na biełaruskuju za paŭhoda
«Ja bajałasia i saromiełasia». Cichanoŭskaja pryhadała, jak pačynaŭsia jaje šlach da biełaruskaści
Prosty minski zvarščyk vyjhraŭ try miljony rubloŭ. Voś na što jon patracić hrošy3
Prosty minski zvarščyk vyjhraŭ try miljony rubloŭ. Voś na što jon patracić hrošy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary