Белпол і Байпол заключалі джэнтльменскае пагадненне пры ўдзеле Офіса Ціханоўскай
У новым выпуску ютуб-канала «Жыццё-маліна» былы следчы Андрэй Астаповіч, які працуе ў «Белполе», расказаў пра пагадненне, заключанае з «Байполам». А таксама пра абставіны, якія да яго прывялі.
Падчас размовы Андрэй Астаповіч пацвердзіў чуткі аб існаванні джэнтльменскага пагаднення паміж «Белполам» і «Байполам», каб не паліваць брудам адно аднаго і спакойна працаваць.
«Была такая дамоўленасць. Але гэта адбывалася без мяне. На момант размовы я яшчэ не вярнуўся (ў Варшаву — «НН»), але каманда, якая разам са мною працуе, пагадзілася. І наколькі я бачу, прытрымліваюцца».
Астаповіч патлумачыў, што прычынай стаў выхад відэа Аляксандра Азарава са зваротам да грамадскасці наконт праходжання паліграфа палітычнымі і грамадскімі лідарамі апазіцыі.
«Яшчэ да гэтага яны звярнуліся да Офіса Ціханоўскай, сказалі: будзе бяда, у калектыве наспявае [канфлікт], хутка будзе выбух». Яны (Офіс — «НН») сказалі, што будуць разбірацца. У той жа дзень ці праз дзень Азараву сказалі: «Маўчы. Пакуль не выходзь. Ніякіх відэа. Мы прыедзем, разбяромся».
Па словах Астаповіча, канфлікт усё ж разгарэўся, абодвум бакам давялося займацца тэрміновай медыяцыяй. «Прыйшоў той бок, гэты. Нешта паміж сабою вырашалі, размаўлялі, давалі абяцанні», — падсумаваў ён.
Чытайце яшчэ:
У ByPol з'явілася магчымасць праверкі беларусаў на паліграфе. Хто з палітыкаў яго прайшоў?
BELPOL даў справаздачу, што яго каманда паспяхова прайшла паліграф
-
Дарадца Ціханоўскай расказаў, як ён разам з Вячоркам сустракаў вызваленую Алену Маўшук
-
«Пракурор сказаў, што мне трэба пакінуць Беларусь». Былая палітзняволеная Алена Маўшук расказала пра ўмовы свайго вызвалення
-
Пры спрыянні ЗША вызвалілі шматдзетную Алену Маўшук — санітарку бальніцы, якая на пратэстах у Пінску ўдарыла калом па сілавіках
Амерыканцы забралі з беларускай турмы журналіста Андрэя Кузнечыка і яшчэ двух палітзняволеных14
Каментары