Эстонія стала першай постсавецкай краінай, якая дазволіла аднаполыя шлюбы
У Эстоніі ўступіў у сілу закон аб раўнапраўі. Пачынаючы з 1 студзеня 2024 года двое паўналетніх людзей незалежна ад свайго полу могуць заключыць шлюб.
Такое рашэнне было прынята паўгода таму, за яго прагаласавала 54% дэпутататаў парламента. Зрэшты, прыблізна такую самую падтрымку ідэя аднаполых шлюбаў і мае ў грамадстве.
Заключэнне шлюбаў — наступны этап пасля дазволу на так званае афіцыйнае партнёрства. Гэты дакумент эстонскія грамадзяне маглі аформіць ужо на працягу 10 гадоў. З ім прадстаўнікі ЛГБТ, напрыклад, маглі ўступаць у спадчыну пасля смерці партнёра.
Эстонія стала першай постсавецкай дзяржавай, якая легалізавала аднаполыя шлюбы. Адметна, што гэта краіна, у якой, паводле апытанняў, самая меншая доля вернікаў сярод усіх экс-суседзяў па СССР.
«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт12
Каментары
Калі сур'ёзна, то варта абмежавацца магчымасцю заключаць брачныя дамовы. А так і магчымасць усынаўляць дзяцей атрымалі, напэўна. Якіх народзяць, тых хай і гадуюць. Не ўсе спосабы сэксуальнай актыўнасці аднолькава рэзультатыўныя. Гэта і любых іншых актыўнасцяў тычыцца.