Нерухомасць11

З чацвёртага разу прадалі старую панскую сядзібу ў Ганцавіцкім раёне

Нарэшце здабыў свайго новага ўладальніка каларытны аб'ект у аграгарадку Агарэвічы Ганцавіцкага раёна, празваны ў народзе Панскім домам. Будынак прадалі на аўкцыёне з чацвёртага разу, піша «Ганцавіцкі час».

Дом у Агарэвічах
Фота: «БУТБ-Маёмасць»

Калі Панскі дом выстаўлялі на продаж першы раз, то яго цана складала 161 тысячу рублёў. Але ахвотных купіць не знаходзілася, нават калі таргі абвяшчаліся з паніжэннем цаны.

Цікавасць з'явілася толькі пасля таго, калі стартавая цана на дом зменшылася да адной базавай велічыні (37 рублёў). Аўкцыён на электроннай пляцоўцы «БУТБ-Маёмасць» быў прызначаны на 31 сакавіка 2023 года і на яго зарэгістравалася ажно дзесяць удзельнікаў — адна юрыдычная асоба і дзевяць грамадзян.

У выніку з чацвёртай спробы лот прадалі, прычым цана вырасла ў сотні разоў. Сам аўкцыён працягваўся амаль дзве гадзіны, за гэты час было зроблена 2814 ставак.

Вядома, што пераможцам стала фізічная асоба, але арганізатары таргоў не могуць раскрываць даныя пакупніка.

У выніку Панскі дом дастаўся новаму гаспадару за 15651 рубель, ці амаль 5,5 тысячы даляраў. Калі параўноўваць з адной базавай велічынёй, то рост выглядае ўражліва — у 423 разы. Але ў той жа час гэта нішто ў параўнанні з першапачатковай цаной аб'екта — 161 тысячай рублёў.

Некалькі гадоў таму ў сядзібе размяшчалася сталовая работнікаў сельгаспрадпрыемства «Беразавец», аднак з часам гаспадарцы стала нявыгадна ўтрымліваць аб'ект.

Аднапавярховы будынак з калонамі ў Агарэвічах пабудавалі яшчэ ў 1911 годзе і належаў ён памешчыкам Свяжынскім. Плошча дома — 324 квадратныя метры. У ім ёсць ацяпленне, вада, электрычнасць, каналізацыя, тэлефон. Пры доме таксама ёсць прыбудова, брыгадны дом, танцпляцоўка з мостам, а яшчэ ўчастак на 2,5 гектара (яго перададуць пакупніку ў арэнду на 30 гадоў). Таксама тут маюцца тры штучныя сажалкі і парк. Аб'ект уяўляе гісторыка-культурную каштоўнасць, таму новаму ўладальніку трэба будзе падпісаць ахоўнае абавязацельства.

Як раней ужо распавядалася, у 90-я гады ХХ стагоддзя пры сядзібе ў Агарэвічах праводзілі конныя спаборніцтвы, не раз сюды прыязджалі і чыноўнікі: тагачасныя старшыня Саўміна Вячаслаў Кебіч, прэм'ер-міністры Міхаіл Мясніковіч і Міхаіл Чыгір.

Каментары1

  • Максим Дизайнер
    01.04.2023
    В первую очередь - поставить стеклопакеты!И натянуть потолки!

«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт6

«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт

Усе навіны →
Усе навіны

Галоўная трэнерка зборнай Расіі па мастацкай гімнастыцы ідзе ў адстаўку. Раней СМІ паведамілі пра яе канфлікт з Алінай Кабаевай5

Трамп сустрэўся ў Белым доме з вернутым з Расіі амерыканцам і анансаваў вызваленне яшчэ аднаго6

«Саша заўсёды быў у тэме вайны». Гісторыя загінулага на фронце 22-гадовага беларускага снайпера12

Мінпрыроды назвала два самыя зялёныя гарады Беларусі і адну вобласць6

«Мяне заказаў прарэктар». Выкладчыца БДУ расказала, як яе кінулі на Акрэсціна, каб прымусіць звольніцца16

Дацкая разведка папярэдзіла пра пагрозу вялікай вайны ў Еўропе30

Ці могуць еўрапейскія войскі на тэрыторыі Украіны дапамагчы гарантаваць яе бяспеку? І колькі іх спатрэбіцца?6

Расія нанесла ракетны ўдар па Кіеве, там пажары ў некалькіх месцах, прынамсі адзін чалавек загінуў1

Чым жыве хлопец, які першым у Беларусі захварэў на кавід1

больш чытаных навін
больш лайканых навін

«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт6

«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт

Галоўнае
Усе навіны →

Заўвага:

 

 

 

 

Закрыць Паведаміць