«З дапамогай «ядзернай дубінкі» Пуцін хоча паказаць усяму свету, што імперыя вярнулася»
Размяшчэнне расійскай ядзернай зброі ў Беларусі мае для Расіі не толькі палітычнае, але і глыбокае сімвалічнае значэнне, піша гісторык Аляксандр Фрыдман. Прыводзім яго допіс.
Размяшчаючы ядзерную зброю ў краінах Варшаўскай дамовы, СССР падкрэсліваў іх поўную залежнасць ад «старэйшага брата» і «настаўніка». Пасля крушэння камунізму ва Усходняй Еўропе і развалу Савецкага Саюза ядзерная зброя толькі вывозілася, але ўжо больш не завозілася. Вываз ядзернай зброі і вывад савецкіх войскаў стаў для РФ і яе сённяшняга кіраўніцтва адным з сімвалаў гібелі імперыі.
Сёння ў Маскве не толькі думаюць імперскімі катэгорыямі (такі вобраз мыслення ў Крамлі быў і ў 1990-я), але гратэскныя рэваншысты адкрыта кажуць пра імкненне адрадзіць імперыю, уключыўшы ў яе «гістарычныя расійскія катэгорыі». І вось зараз з дапамогай «ядзернай дубінкі» Пуцін хоча паказаць усяму свету, што «імперыя вярнулася».
Гісторыя савецкай (расійскай) ядзернай зброі ў Еўропе ў XX стагоддзі кажа, аднак, пра тое, што маскоўскія ядзерныя авантуры і гульні вайсковымі мускуламі ў выніку заканчваюцца вывазам зброі, вывадам войскаў, вызваленнем і дэмакратызацыяй краін з былой зоны ўплыву, а таксама крушэннем самой імперыі. Так што можна сказаць, што архаічныя дыктатары з XX стагоддзя Уладзімір Пуцін і Аляксандр Лукашэнка інтуітыўна абралі правільны гістарычны шлях.
Чытайце таксама:
Крэмль узяў Беларусь у ядзерныя закладнікі — Данілаў
Сахашчык: Мы павінны нешта зрабіць, каб расійскім войскам у Беларусі стала вельмі некамфортна
Пентагон: Няма ніякіх прыкмет, што РФ плануе прымяніць ядзерную зброю
СК адрэагаваў на данос Ціманоўскай і будзе правяраць яе былога мужа на «экстрэмізм»4
Каментары
Вось табе НН аналіз топ-узроўня:
1. Месяц таму Пуцін адправіў Лукашэнку ў Пэкін на агледзіны: ці можна яму даверыць ядзерную зброю?
2. Рашэнне пра перавоз зброі у Беларусь Пуцін агучыў адразу пасля перамоў с кітайскім лідарам, хоць Лукашэнка прасіў даўно.
3. Зброю пагражаюць размясціць за 100 км ад Расейскай мяжы, а для параўнання Хрушчоў ставіў ракеты за 100 км ад мяжы амерыканскай.
4. Зброю Лукашэнку не давераць, агледўіны ён не прайшоў.
Высновы? Расея надта слабая і не мае саюзнікаў і уплыву. Расея залежыць ад меркавання Кітая нават у стратэгічных пытаннях і адносінах з адзіным хаўруснікам.
Можаце друкаваць бясплатна ў рубрыцы аналітыка.