30 hadoŭ tamu zahinuŭ Piatro Mašeraŭ — kamunistyčny kiraŭnik Savieckaj Biełarusi. Mašeraŭ byŭ papularny ŭ Biełarusi, bo byŭ supraćlehłaściu adarvanamu ad ludziej, schilnamu da pjanstva tahačasnamu maskoŭskamu kiraŭnictva Kampartyi. Mašeraŭ chadziŭ pa horadzie z paraj ścipłych achoŭnikaŭ. Jon achvotna kamunikavaŭ ź ludźmi. Redakcyja publikuje archiŭnyja foty sa śviatkavańnia 30 hodździa Pieramohi ŭ Minsku.
4 kastryčnika 1980 hodzie ŭ aŭtamabilnaj katastrofie na darozie Miensk—Maskva zahinuŭ Piatro Mašeraŭ, pryznačany Maskvoj kiraŭnik Biełarusi, pasada jakoha hučała jak «pieršy sakratar Centralnaha Kamiteta Kampartyi Biełarusi».
Niahledziačy na krajniuju palityčnuju aściarožnaść, Mašeraŭ ažyćciaviŭ šerah krokaŭ pa ŭmacavańni nacyjanalnaj identyčnaści biełarusaŭ. Biełaruskaja litaratura karystałasia vializnaj dziaržaŭnaj padtrymkaj, u stalicy paŭstali pomniki nacyjanalnym kłasikam, telebačańnie i radyjo pracavali na biełaruskaj movie. Pry hetym ekanamičnaja palityka Mašerava była całkam u rečyščy patrabavańniaŭ Maskvy: Biełaruś była całkam ubudavana ŭ savieckija haspadarčyja łancužki.
Naradziŭsia Mašeraŭ (sapraŭdnaje proźvišča — Mašera) u Sieńnienskim rajonie Viciebščyny. Partyzaniŭ na poŭnačy Biełarusi, na Rasonščynie. Dasłužyŭsia da kamandzira bryhady, paśla ŭznačalvaŭ Vilejski abkam kamsamoła. Paśla vajny kiravaŭ kamsamolskimi j partyjnymi strukturami.
Zahinuŭ Mašeraŭ, kali jahonaja «Čajka» kala pavarota na Smalavickuju ptuškafabryku urezałasia ŭ hruzavik.
Paśla aŭtakatastrofy pa Biełarusi pranieślisia čutki pra toje, što jana była padstrojenaja z Maskvy, adnak taho tak i nie ŭdałosia dakazać.
-
Apieracyja «Bumieranh». Jak emihracyja sprabavała ŭpłyvać na padziei ŭnutry, a KDB stvaraŭ dla jaje ŭražańnie, što heta sapraŭdy pracuje
-
Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?
-
Redki staražytny dakumient raskryvaje, jak Rymskaja impieryja sudziła apanientaŭ ułady pad vyhladam pieraśledu za karupcyju
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi44
Kamientary