U Hiermanii sotni tysiač ludziej vyjšli na pratest suprać ultrapravych
Sotni tysiač ludziej u šerahu haradoŭ Hiermanii vyjšli na vulicy na akcyju suprać pravaha ekstremizmu i ŭ padtrymku raznastajnaści.
Pratesty vyklikała toje, što prapanovu pa ŭzmacnieńni žorstkaści mihracyjnaj palityki ŭ Bundestah padali chryścijanskija demakraty pry padtrymcy ultrapravaj partyi «Alternatyva dla Hiermanii». Heta hałasavańnie parušyła kansensus tradycyjnych niamieckich palityčnych partyj nie supracoŭničać z ultrapravymi.
U Miunchienie, pa danych miascovaj palicyi, sabrałasia kala 250 000 čałaviek, piša Tagesschau. Arhanizatary kazali pra bolš čym 320 000 ŭdzielnikaŭ. Demanstracyja prajšła pad łozunham «Demakratyja maje patrebu ŭ vas».
U Hanoviery ŭziali ŭdzieł u mitynhu 24 000 čałaviek. Tam vystupiŭ i ministr abarony Hiermanii Barys Pistoryus. Jon zaklikaŭ kožny dzień vystupać za demakratyju. «Dźviery dla ultrapravych pavinny zastavacca zakrytyja», — skazaŭ Pistoryus.
Pratesty ŭ Lejpcyhu suprać partyi «Alternatyva dla Hiermanii» sabrali tysiaču čałaviek. U Bremienie palicyja naličyła kala 35 000 udzielnikaŭ mitynhu. U Dortmundzie sabrałasia kala 2900 demanstrantaŭ.
Mitynhi byli i ŭ inšych niamieckich haradach.
Praz dva tydni, 23 lutaha, adbuducca vybary ŭ Bundestah.
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi43
Kamientary