«U HUŁAHu ŭvohule nie było rachunkaŭ za aciapleńnie». U siecivie spračajucca pra rolik, dzie palak chvalić tannuju biełaruskuju kamunałku
U sacsietcy Ch źjaviŭsia rolik, jaki, jak śćviardžajecca, źniaŭ palak, jaki žyvie ŭ Biełarusi ź siamjoj. Jon demanstruje śniežańskuju žyroŭku za dom płoščaj 250 kvadratnych mietraŭ. Jana pavinna ŭrazić jaho suajčyńnikaŭ nizkimi taryfami, piša Most.
— Siońnia [raskažu] ab rachunkach za kamunałku, adrazu daju rachunak za śviatło — 300 kVt, da apłaty 76 rubloŭ, abo kala 90 złotych, Pieryjad — miesiac. Vada plus [vyvaz] śmiećcia — 11 rubloŭ, abo kala 13 zł. Nu i haz, na jakim hatujem i jakim aciaplajem, rachunak [na] 175 rubloŭ, abo kala 200 zł. Dom na 250 mietraŭ, troje dziaciej, prałka i pasudamyjka pracujuć kožny dzień, — piša na polskaj movie aŭtar rolika.
Akramia taho, jon dadaje, što vuhal u Biełarusi kaštuje kala 300 złotych za tonu. I zadajecca pytańniem: «A pa jakim košcie ŭ nas patryjatyčny vuhal?»
Polak, który mieszka na Białorusi pokazał swój rachunek za media w domu o powierzchni 250mkw. Dodał też, że mają węgiel po 300zł za tonę.
W komentarzach ludzie wspominają, że w Polsce takie ceny były jakieś 30 lat temu i dyskutują, czy tamtejsze koszty można przeliczać na… pic.twitter.com/W76y0zEzWM
«Doraha kaštuje nam Jeŭrakałhas»
Rolik vyklikaŭ sprečki. Siarod kamientataraŭ byli tyja, chto pahadziŭsia, što ŭ Biełarusi sapraŭdy lepš, čym u Polščy.
«Hrupa znajomych vyjechała 5—8 hadoŭ tamu ŭ Biełaruś. Havorać, žyć nie tužyć. <…> Kali Tusk upuścić musulman i addaść Polšču Ukrainie, nam, palakam, nie budzie čaho tut šukać», — napisaŭ adzin ź ich.
«[Doraha] kaštuje nam Jeŭrakałhas z klimatyčnymi ekavarjatami», — aburyŭsia inšy.
«A my majem vydatny Jeŭraźviaz, jaki adbiraje ŭ nas hrošy, kab dać ich nielehalnym imihrantam. Dziakuj za JEZ», — napisaŭ jašče adzin kamientatar.
«Kali tam tak dobra, čamu da nas stolki biełarusaŭ pryjechała?»
Mnohija karystalniki tym nie mienš nie padzialili zachapleńnie aŭtara. Voś niekatoryja ich kamientary.
«Tak, ale tam dachod kala 1000 złotych (kala 800 rubloŭ — Red.). Šmat płaciać!»
«Doktar tam zarablaje na našyja kala 2000 złotych (kala 1600 rubloŭ — Red.). Doktar!»
«Heta prapahanda. U mianie pracujuć dźvie dziaŭčyny ź Biełarusi. Kažuć, kali pieraličyć na złotyja, zarobki tam u šeść razoŭ mienšyja. Ceny praduktaŭ padobnyja, [u Biełarusi] tańniejšyja nie ŭ razy, a na niekalki pracentaŭ, žyllo ŭ dva razy tańniejšaje, ale znoŭ ža — zarobki ŭ šeść razoŭ nižejšyja».
«Kali tam tak dobra, dyk čamu da nas stolki ich [biełarusaŭ] pryjechała žyć i pracavać? Čamu palaki tudy nie emihrujuć?»
«Ja liču, što daroha adkrytaja. Možna, kali niechta ličyć, što tam tak cudoŭna, pierajechać u Biełaruś».
«U HUŁAHu ŭvohule nie było rachunkaŭ za aciapleńnie».
«A svaboda słova pa kolki?»
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Bo kamunałka takaja, što (hrech kazać) niekatorym ludziam choć u piatlu leź... I, maju padstavy tak ličyć, tak skłałasia nie biez nachabnaha śpiekulanctva, niepradyktavanaha ekanamičnymi raźlikami, ale vyklučna čornaj spažyvaj.
Ale tak paŭsiul, i ŭ Biełarusi taksama, nie kamunałkaj, dyk čym inšym znojduć, jak kišeni ludziam padčyścić... Jany ž manitorać kolkaść najaŭnych hrošaŭ na rukach u ludziej, hrašovyja srodki na bankaŭskich rachunkach, i razrachoŭvajuć siłu, ź jakoj buduć hnuć čałavieka ŭ baranoŭ roh, kab dačasna nie złamać jaho zusim, ale j žyćcia nia dać, kab, jak i vaviorka, u kole bieh, ale j spynicca mahčymaści nia mieŭ, poki apošniuju kroplu ź jaho nia vycisnuć, a tady ŭžo z "pašanaj" pravodziać...