U jakoj krainie samyja vialikija pryzavyja za pieramohu na paryžskaj Alimpijadzie? Sama kraina zusim nievialikaja
Vydańnie Forbes supastaviła infarmacyju z usiaho śvietu i vyśvietliła, što samuju vialikuju ŭznaharodu za załaty miedal letnich Alimpijskich hulniaŭ-2024 abiacaje svaim hramadzianam Hankonh — 768 tysiač dołaraŭ. Pryčym za srebra tut taksama naležyć bolš, čym va ŭsich inšych krainach za zołata — 380 000 dołaraŭ.
Na druhim miescy — Izrail (275 tysiač dołaraŭ), a na trecim — Sierbija (218 tysiač dołaraŭ).
U top-5 taksama ŭvajšli Małajzija (214 tysiač dołaraŭ) i Italija (196 tysiač dołaraŭ).
Mienš za ŭsio abiacajuć za spartyŭnyja dasiahnieńni ŭ Aŭstralii (13 tysiač dołaraŭ), Danii i Kanadzie (pa 15 tysiač dołaraŭ).
Praŭda, hety rejtynh nie zusim usieachopny, bo ŭ jaho ŭklučanyja źviestki tolki pa 33 krainach, miž tym jak uvohule ŭ hulniach udzielničajuć bolš za 200.
Treba skazać, što hankohskich spartsmienaŭ takija pryzavyja nasamreč dobra matyvujuć. Bo paryžskaja Alimpijada jašče tolki pačałasia, a ŭ Hankonha ŭžo čatyry miedali — 2 załatyja i 2 bronzavyja. Abodva zołata zdabytyja ŭ fiechtavańni: špažystkaj Vivijan Kon i rapirystam Čun Ka Łonham. Abiedźvie bronzy na rachunku płyŭčychi Šyvon Biernadet Chohi.
Zrešty, naŭrad ci hankonhskija ŭłady škadujuć pra takija staŭki, i hetyja pośpiechi svaich atletaŭ stali dla ich niečakanymi. Bo nasamreč jany ŭžo chutčej tradycyjnyja: na apošnich Alimpijskich hulniach u Tokia spartsmieny zbornaj Hankonha zavajavali šeść miedaloŭ, uklučajučy zołata ŭ tym ža fiechtavańni. Da taho ž Hankonh praduhledžvaje vialikija vypłaty navat za niepryzavyja miescy: za čaćviortaje 100 000 dołaraŭ, a ź piataha pa vośmaje — amal 50 000.
Akramia razavych vypłat, mnohija krainy vypłačvajuć svaim čempijonam niešta kštałtu stypiendyj. Naprykład, Małajzija i Bałharyja pažyćciova vypłačvajuć załatym miedalistam štomiesiačnyja nadbaŭki ŭ pamiery bolš za 1 tysiaču dołaraŭ. Čyli, Kosava i Litva harantujuć padobnyja vypłaty na čatyry hady. U Novaj Ziełandyi pryziory Alimpijady atrymlivajuć 40 tysiač dołaraŭ u hod da pačatku nastupnych Alimpijskich hulniaŭ. U Danii hanarar nie abkładajuć padatkami.
Što da Biełarusi, to tut za zołata płaciać pa 12 tysiač bazavych vieličyń, heta kala 150 tysiač dołaraŭ.
Spartoŭcy z KNDR i Paŭdniovaj Karei zrabili sumiesnaje sełfi na Alimpijadzie FOTA
Alina Zmuška nie vyjšła ŭ paŭfinał Alimpijady na 200 mietrach brasam, staŭšy apošniaj u svaim zapłyvie
Na čaćviorty dzień Alimpijady zachoŭvajecca pieravaha niejeŭrapiejskich krain
«Nas było troje!» Jehipieckaja fiechtavalnica vystupiła na Alimpijadzie na siomym miesiacy ciažarnaści
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi49
Kamientary