Byłoje kiraŭnictva «Biełsata» abvinavačvajuć u finansavych złoŭžyvańniach
Jak daviedalisia žurnalisty-rasśledavalniki z polskich Radio ZET i RadioZET.pl, likvidatar kampanii TVP (Polskaje telebačańnie) Daniel Horhaš padaŭ zajavu ŭ prakuraturu ab mahčymaści ździajśnieńnia złačynstva. Ź jaje vynikaje, što z-za parušeńniaŭ, jakija adbylisia na «Biełsacie», straty Polskaha telebačańnia mahli skłaści miljony złotych.
Paviedamleńnie ŭ prakuraturu, nakiravanaje 8 lipienia likvidataram TVP Danielem Horhašam, tyčycca finansavych parušeńniaŭ, nievykanańnia słužbovych abaviazkaŭ i złoŭžyvańnia paŭnamoctvami papiarednim kiraŭnictvam telekanała «Biełsat», u tym liku byłoj dyrektarkaj i hałoŭnaj redaktarkaj Ahnieškaj Ramašeŭskaj-Huzy, śćviardžajuć žurnalisty Maryjuš Hieršeŭski i Radasłaŭ Hruca.
Pravierka, praviedzienaja na «Biełsacie», nibyta vyjaviła ŭ tym liku, fiktyŭnyja abo pierapłačanyja rachunki za IT-pasłuhi. Pavodle aŭdytaraŭ, u vyniku kantraktaŭ, padpisanych sa źniešnimi strukturami, Polskaje telebačańnie mahła stracić amal 7 miljonaŭ złotych (kala 1 młn 770 tys. dalaraŭ).
Aŭdytary śćviardžajuć, što kiraŭnictva «Biełsata» zaklučała damovy na IT-pasłuhi ŭ abychod tendarnych pracedur i biez analizu rynku. Pavodle ich słoŭ, kantrakty atrymlivali kampanii, jakija nie mieli adpaviednaha vopytu. Na ich dumku, taksama jość padazreńni, što hetyja kampanii stvaralisia admysłova pad kankretnyja zamovy.
Pravierka nibyta taksama pakazała, što było dublavańnie pasłuh. Naprykład, źniešniaja kampanija atrymlivała hrošy za archivavańnie materyjałaŭ, raźmieščanych na jutubie, u toj čas jak archivavańnie rehularna vykonvałasia na ćviordych dyskach TVP.
Spravazdaču likvidatara TVP Daniela Horhaša nakiravali ŭ akruhovuju prakuraturu ŭ Varšavie.
«Biełsat» pierastanie być samastojnaj adzinkaj u struktury TVP
Ramašeŭskaja-Huzy prosić dapamahčy joj hrašyma na advakataŭ — padpisčyki aburylisia
Dzikavicki: Pa-ludsku razumieju rytoryku Ramašeŭskaj. Ale ja b syšoŭ spakajniej
Polskaje miedyja śćviardžaje, što ŭ «Biełsata» vyjavili «šmatlikija parušeńni». Pra što havorka?
Ahnieška Ramašeŭskaja-Huzy padała ŭ sud na TVP
Dyrektarka «Biełsata»: Mianie zvolnili pa dyscyplinarnym artykule
«Što značyć, što mnie chopić kiravać?» Byłaja kiraŭnica «Biełsata» raskazała, čamu jašče nie hatovaja pakinuć kanał
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi49
Kamientary
Za takije finansovyje potoki ja by nie tolko posinievšimi palcami dieržałsia
Tolki tady vyčyścim usim hetych lidaraŭ, lidarak i čaliń. Tolki tady navučym tych, chto nazyvaje siabie palitykami i hramadskimi dziejačami, brać na siabie adkaznaść. Tolki tady mahčymyja niejkija źmieny ŭ hetaj krainie.