My nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma — Franak Viačorka
Hałoŭny daradca Śviatłany Cichanoŭskaj Franak Viačorka prakamientavaŭ mahčymaje zakryćcio miežaŭ pamiž Biełaruśsiu i Polščaj dy krainami Bałtyi. Pavodle jaho, struktury, jakija pradstaŭlajuć biełarusaŭ za miažoj, pracujuć dziela taho, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma.
«Heta reakcyja našych susiedziaŭ na zajavy i absalutna biezadkaznyja dziejańni Łukašenki, na prysutnaść vahnieraŭcaŭ i pahrozy ŭ bok susiedziaŭ. Heta najpierš sihnał režymu, što kali praciahnucca pravakacyi, to Polšča i Bałtyjskija krainy hatovyja na rašučyja kroki. I vina za zakryćcio miežaŭ budzie lažać na Łukašenku.
My ŭ kantakcie z Polščaj i Bałtyjskimi krainami i nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma. Nielha, kab biełarusy trapili ŭ izalacyju praź biazdumnuju palityku Łukašenki», — padkreśliŭ Viačorka.
Pavodle jaho, siońnia adbylisia razmovy z pradstaŭnikami Polščy, a na nastupnym tydni Śviatłana Cichanoŭskaja maje sustrecca ź ministarkaj unutranych spraŭ Litvy Ahne Biłatajcie. Padčas hetych sustreč abmiarkoŭvajucca varyjanty, jakim čynam zachavać pasažyrski ruch i harantavać biaśpiečny vyjezd z krainy dla tych, chto pakutuje ad represij.
«Adkrytyja miežy ŭmacoŭvajuć suviaź biełarusaŭ ź Jeŭropaj. Nielha pakidać biełarusaŭ sam-nasam z Rasijaj», — upeŭnieny Viačorka.
Čytajcie taksama:
Miaža ES ź Biełaruśsiu pakul nie budzie zakrytaja — kiraŭnik MZS Łatvii
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary