Pavodle infarmacyi ad rodnych palitviaźnia, Anatola Łatušku, stryječnaha brata palityka Paŭła Łatuški, źbivali ŭ Centralnym RUUS — patrabavali skazać parol ad telefona, piša «Viasna».
Anatol — stryječny brat palityka Paŭła Łatuški. Pavodle papiaredniaj infarmacyi, palitviaźniu staviać u vinu č. 2 art. 339 KK (chulihanstva) — nibyta jon malavaŭ pa trafarecie na paštovych skryniach u padjezdach žyłoha doma hierb «Pahonia».
Zaraz Anatol znachodzicca ŭ SIZA-1 na Vaładarskaha.
Raniej Pavieł Łatuška kazaŭ pra zatrymańnie svajaka:
«Heta śviedčyć pra toje, što jon moža zaznavać hvałt, što buduć sproby abyłhać siabie i mianie. Ale adrazu zaŭvažu, što my ź im nie kamunikavali kala 10 hadoŭ. Tamu ja absalutna nie viedaju, što jon moža skazać: my nie mieli kantaktaŭ. Kali my byli dziećmi, siabravali, sustrakalisia, kali da babuli pryjazdžali na śviaty. Paźniej kantakty byli ŭžo značna radziejšyja, i my daŭno nie bačylisia».
Pavieł Łatuška taksama zaklikaŭ pravaabarončuju supolnaść pryznać Anatola Łatušku palityčnym viaźniem:
«Ja spadziajusia, što budzie pryniata takoje rašeńnie ŭ adpaviednaści ź mižnarodnymi standartami. Bo heta prykmiety represijaŭ praz prynaležnaść da siamji».
Anatol Łatuška byŭ pryznany palitviaźniem 3 lutaha.
Čytajcie taksama:
Pavieł Łatuška: U nas mocnaja siamja, i nikoli takoha nie było, kab adzin adnamu zdradžvaŭ
Zatrymali Anatola Łatušku — stryječnaha brata Paŭła Łatuški
Na dačku Paŭła Łatuški zaviedzienaja kryminalnaja sprava, jaje kvatera aryštavanaja
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary