Hary Kasparaŭ pra śmierć mamy: Pamior moj samy vialiki čempijon, moj mudry daradca
Trynaccaty čempijon śvietu pa šachmatach Hary Kasparaŭ paviedamiŭ pra śmierć svajoj maci Kłary Kasparavaj.
«Z hłybokim smutkam paviedamlaju pra śmierć majoj mamy, Kłary Kasparavaj. Maja rolevaja madel, moj samy vialiki čempijon, moj mudry daradca i samy mocny čałaviek, jakoha ja kali-niebudź viedaŭ. Ja lublu ciabie, mama», - napisaŭ Kasparaŭ.
With great sorrow I share the news of the passing of my mother, Klara Shagenovna Kasparova. My role model, my greatest champion, my wise counsel, and the strongest person I will ever know. I love you, Mama. pic.twitter.com/GFgTcyUQBD
Hary Kasparaŭ naradziŭsia ŭ Baku ŭ 1963 h. Jaho proźvišča pry naradžeńni było Vajnštejn. Tata Kim Vajnštejn byŭ inžynieram-enierhietykam, mama Kłara Šahienaŭna Kasparava była inžynieram, śpiecyjalistam pa aŭtamatycy i telemiechanicy, u jaje było armianskaje pachodžańnie.
Baćki navučyli syna hulać u šachmaty. U 12 hadoŭ tata pamior, i mama całkam pryśviaciła siabie šachmatnaj karjery syna. U 1975 h. jana pamianiała proźvišča syna na Kasparaŭ, bo paličyła, što šachmatystu ź jaŭrejskim proźviščam moh zaškodzić antysiemityzm u SSSR.
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi49
Kamientary