INeedHelpBy praciahvaje padtrymlivać paciarpiełyja siemji: prajekt akazaŭ dapamohu ŭžo 1000 razoŭ
Za 10 tydniaŭ isnavańnia inicyjatyvy dapamoha była akazana bolš za 1000 razoŭ biełarusam, što paciarpieli za apošnija miesiacy: za palityčnyja pohlady, chto prachodziŭ pa administracyjnych spravach abo byŭ zatrymany padčas mirnych akcyj.
Ideja prajekta INeedHelpBy nastupnaja: dapamahać praduktami biełarusam, jakija akazalisia ŭ niaprostaj žyćciovaj situacyi.
Inicyjatyva akazvaje dapamohu tolki ŭ vyhladzie praduktaŭ charčavańnia, i dastaŭlajecca raz u 2 tydni.
Pamier praduktovaha košyka zaležyć ad kolkaści členaŭ siamji i piersanalnych patrebaŭ. Uličvajucca miedycynskija supraćpakazańni (alerhii, chraničnyja zachvorvańni i t. d.), a taksama smakavyja pieravahi. Chatnija hadavancy, jakimi b ekzatyčnymi jany ni byli, taksama nie zastanucca hałodnymi.
Treba zajści ŭ telehram-bot @INeedHelpBY_bot i ŭkazać, što chacieli b atrymać dapamohu. Bot sam złučyć siamju z pamočnikam.
Pamočnik atrymaje śpis kram, u jakich zmoža zamović pradukty praź internet, a praź niekalki dzion zakaz budzie dastaŭleny siamji dadomu.
Kali patrebnaja dapamoha, to varta pisać u bot prajekta (patrebny telehram) @INeedHelpBY_bot.
Staronka ŭ fejsbuku facebook.com/ineedhelpby
U instahramie instagram.com/ineedhelp_by
U telehramie @INeedHelpBY_bot
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit4
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary