U Finlandyi hramadzianam Biełarusi i Rasii zabaranili jeździć na ekskursii na AES. U tym liku školnikam
Pra heta stała viadoma paśla taho, jak školniku, jaki maje finski i rasijski pašparty, nie dazvolili pajechać na ekskursiju na AES razam s kłasam.
U Finlandyi pryniata rašeńnie nie dapuskać hramadzian Biełarusi i Rasii na AES Ołkiłuota.
Pra heta stała viadoma paśla taho, jak na ekskursiju nie puścili školnika z dvuma hramadzianstvami — Finlandyi i Rasii. Chłopiec razam ź inšymi vučniami himnazii pavinien byŭ naviedać AES Ołkiłuota. Adnak jon atrymaŭ list, u jakim havaryłasia, što jaho nie dapuściać na ekskursiju, bo jon naradziŭsia ŭ Rasii, piša yle.fi.
«Ja atrymaŭ infarmacyju z Ołkiłuota, što z pryčyny biaśpieki i suśvietnaj situacyi, jakaja skłałasia, ty nie možaš pryniać udzieł u vizicie na AES, tamu što naradziŭsia ŭ Rasii. Heta žorstkaja linija karparatyŭnaj biaśpieki, na jakuju, na žal, niemahčyma paŭpłyvać», — havaryłasia ŭ paviedamleńni ad nastaŭnika.
Dyrektarka pres-słužby AES Ołkiłuota Jochanna Acho raskazała, što na padstavie acenki ryzyk u śfiery karparatyŭnaj biaśpieki i supracoŭnictva z uładami było pryniata rašeńnie nie dapuskać hramadzian Rasii i Biełarusi na ekskursii na jadziernyja abjekty.
U palicyi biaśpieki paviedamili, što hłabalnaha rašeńnia ab uzmacnieńni mier biaśpieki na stratehičnych abjektach nie prymałasia. Ale kiraŭnictva abjektaŭ samastojna adkazvaje za biaśpieku.
«Apieratary krytyčnaj infrastruktury sami adkazvajuć za miery biaśpieki na svaich abjektach, a taksama za paradak pryjomu naviedvalnikaŭ. Zakanadaŭstva abo inšyja rekamiendacyi nie abmiažoŭvajuć naviedvańnie abjektaŭ krytyčnaj infrastruktury dla asob z dvuma hramadzianstvami», — adznačyli ŭ palicyi.
Maci chłopčyka nazvała situacyju absurdnaj.
«Niaŭžo na AES sapraŭdy dumajuć, što dzicia moža akazacca špijonam? U čym sens admovy? Jak moj syn niasie adkaznaść za «situacyju, jakaja skłałasia ŭ śviecie»? Heta absalutna rasisckaje, niedarečnaje i supraćpraŭnaje abhruntavańnie jaho niaŭdziełu ŭ ekskursii», — ličyć žančyna.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Padobna, što vas zakliniła...