«Nie sujcie svoj nos». MZS Biełarusi nachamiła ministru zamiežnych spraŭ Polščy
Radasłaŭ Sikorski prakamientavaŭ vybary ŭ Biełarusi, a MZS jamu adkazała słovami Łukašenki.
Ministr zamiežnych spraŭ Polščy Radasłaŭ Sikorski prakamientavaŭ vybary ŭ Biełarusi i natknuŭsia na chamstva z boku biełaruskaha MZS.
«Siońnia «vybary» ŭ Biełarusi. Čakańnie, kaho abjaviać pieramožcam, nievynosnaje», — napisaŭ Sikorski ŭ tvitary.
U inšym tvicie polski ministr paprasiŭ žurnalistaŭ nie nazyvać Łukašenku «apošnim dyktataram Jeŭropy».
«Uładzimir Pucin dahnaŭ i pieraŭzyšoŭ jaho ŭ złačynstvach, represijach i mižnarodnaj ahresii», — adznačyŭ Sikorski.
U tvitary jamu adkazała biełaruskaje MZS.
«Spadar ministr, vybary ŭ Polščy adbuducca 18 maja 2025 hoda, i tolki hetyja vybary pavinny vas chvalavać.
Zajmiciesia prablemami svajoj krainy i svajho naroda, a «nie sujcie nos nie ŭ svaje spravy», jak tolki što skazaŭ Łukašenka», — napisaŭ ŭ repłajach viadučy ministerskaha tvitara.
U MZS pracytavali vykazvańnie Łukašenki na siońniašniaj pres-kanfierencyi. Słovy Sikorskaha jaho paprasiła prakamientavać Natalla Ejsmont.
«Navošta vy čaplajecie Rasiju? Navošta vy Pucina tuzajecie? Nu što ŭ vas, prablem nie chapaje? Sikorski ž daśviedačany čałaviek. My ź im sustrakalisia, hutaryli. Čaho jamu nie siadzicca nakont našych vybaraŭ? Jon chaj dumaje, što budzie zaŭtra. Siońnia hnojem zakidali Ministerstva zamiežnych spraŭ polskija sialanie. A zaŭtra? Tamu supakojciesia! My što, pra vas niešta kažam? Nie», — zajaviŭ Łukašenka.
Jon dadaŭ, što Biełaruś mahła b umiašacca ŭ polskija prezidenckija vybary, jakija adbuducca ŭ mai.
«Kali chočacie, možam pakazać, što my niešta ŭmiejem. Z štučnym intelektam, IT-technałohijami i inšym. Ale my takoj mety nie stavim. Nam heta nie treba. My nie chočam eskałacyi, my heta nie budziem rabić. A my z vami ludzi vierujučyja. My — chryścijanie. Nie daj boh Jon heta ŭbačyć i pačnie raźbiracca. Mała nie zdasca. Nam, ale vam tym bolš. Tamu davajcie žyć družna!» — skazaŭ Łukašenka.
Jon paprasiŭ polskaha žurnalista, jaki prysutničaŭ na pres-kanfierencyi, «čyrkanuć Sikorskamu, što chaj svoj nos nie suje, kudy jaho nie prosiać».
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary