Zialenski zaklikaŭ ES nakiravać va Ukrainu 200 tysiač vajskoŭcaŭ dla harantyj biaśpieki
Heta prykładna roŭna kolkaści ŭzbrojenych sił Francyi stanam na 2020 hod.
Va Ukrainu nieabchodna nakiravać sotni tysiač miratvorcaŭ z krain Jeŭrasajuza paśla zakančeńnia vajny, kab praduchilić novaje napadzieńnie Rasii, zajaviŭ ukrainski prezident Uładzimir Zialenski, piša Moscow Times.
«Ad usich jeŭrapiejcaŭ? 200 tys. — heta minimum. Heta minimum, inakš ničoha nie budzie», — skazaŭ Zialenski na Suśvietnym ekanamičnym forumie ŭ Davosie. Jak adznačaje Reuters, heta prykładna roŭna kolkaści ŭzbrojenych sił Francyi stanam na 2020 hod.
Aficyjna jeŭrapiejskija členy NATO vałodajuć 1,9 miljonami vajskoŭcaŭ, adnak u realnaści im budzie składana nakiravać va Ukrainu bolš za 300 tysiač sałdat. Pry hetym na padrychtoŭku takoha kantynhientu spatrebiacca miesiacy.
Taksama Zialenski zajaviŭ, što Rasija padčas mirnych pieramovaŭ źbirajecca patrabavać nie prymać Ukrainu ŭ NATA i skaracić kolkaść ukrainskaj armii «ŭ piać razoŭ».
«My hetaha nie dapuścim», — padkreśliŭ Zialenski. U studzieni 2024 hoda jon zajaviŭ, što Zbrojnyja siły Ukrainy naličvajuć 880 tysiač sałdat i aficeraŭ.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary