Ad Harbuza da Harcujevaj — ścižma zornych biełaruskich akcioraŭ źniałasia ŭ stužcy rasijskaha režysiora. Što za kino?
Sioleta adbudziecca premjera debiutnaha poŭnamietražnaha filma režysiora i pa sumiaščalnictvie scenarysta z ruska-niamieckimi karaniami Mikałaja Haściuchina (Hiefiele) «Debaty». Zdymali jaho ŭ Polščy, i značnuju častku rolaŭ vykanali biełaruskija akciory, jakija raniej hrali ŭ RTBD i Kupałaŭskim.
Pra što budzie film?
Dziejańnie ŭ filmie razhortvajecca ŭ vydumanaj krainie ŭ nie samaj dalokaj budučyni. Pa siužecie hałoŭnaja hierainia pa imi Hanna, nobieleŭskaja łaŭreatka, bałatujecca na post prezidenta, praktyčna nie majučy šancaŭ na pieramohu i znachodziačysia ŭ epicentry asabistaha i reputacyjnaha kryzisu. Jana biare ŭdzieł u prezidenckich teledebatach, i za tyja dźvie hadziny, pakul jany ciahnucca, joj pryjdziecca zrabić składany vybar, ad jakoha zaležyć nie tolki jaje los, ale i budučynia rodnaj krainy. Hłabalna ŭsia historyja budzie nie stolki pra palityku, kolki pra kachańnie i prystojnaść.
Hladač pry hetym jak by budzie znachodzicca ŭ samym epicentry debataŭ — demakratyčnych, sapraŭdnych, — padhladvajučy nie tolki za tym, što razhortvajecca na asnoŭnaj scenie, ale i za kulisami.
Usiaho ŭ pracy nad filmam zadziejničali bolš za 400 čałaviek — kamanda padabrałasia internacyjanalnaja. Zdymali ŭsio ciaham lutaha 2024 hoda ŭ Varšavie. Hałoŭnych piersanažaŭ u stužcy hrajuć estonskaja aktrysa Natalla Dymčanka (Hanna) i rasijska-amierykanskaja — Maryja Maškova (Maryja).
Što tyčycca biełarusaŭ, tut zadziejničali sapraŭdy zorny skład. Tak, Valancina Harcujeva syhrała maderatarku debataŭ i prafiesijnuju palityčnuju žurnalistku Lizu. Mikałaj Stońka — hukarežysiora Marka. Michaś Zuj vykanaŭ rolu Emila, adnaho z vybarščykaŭ, jakija siadziać na scenie i dahetul nie vyrašyli, za kaho buduć hałasavać. Aleh Harbuz hraje hienieralnaha prakurora Michaiła, a Ihar Sihoŭ — ułaśnika bujnoj naftavaj kampanii Alaksandra.
Raniej Mikałaj Haściuchin ščylna pracavaŭ z tvorčaściu dramaturha Ivana Vyrypajeva. Tak, pa pjesie «Iluzii» jon źniaŭ kinaśpiektakl. «Debaty» — jaho pieršaja vialikaja kinapraca.
Premjera kinastužki pavinna adbycca sioleta, ale dakładnaj daty pakazaŭ pakul niama: na hety momant pradziusary jašče zajmajucca kinafiestyvalnym losam filma, a taksama kamunikujuć z roznymi mižnarodnymi dystrybjutarami.
Kvitki na premjeru kupałaŭcaŭ pa apaviadańniach Znaka razabrali za sutki. Raskazvajem unutranuju kuchniu śpiektakla
«Najčaściej da nas na kantrol prychodziła Dryha». Były akcior RTBD — pra cenzuru ŭ teatry, novaha ministra kultury i zdymki ŭ polskaj rekłamie
«Roznakalarovaje pierje ŭ dupach». «Kupałaŭcy» chočuć pastavić śpiektakl na asnovie źlitych danosaŭ u KDB
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12
Kamientary
...
Kanapackaja ?