Dubl Alaksieja Protasa zabiaśpiečyŭ «Vašynhtonu» pieramohu nad «Łos-Andželesam»
U ramkach rehularnaha čempijanatu Nacyjanalnaj chakiejnaj lihi (NCHŁ) «Vašynhton Kepitałz» na svaim lodzie pierajhraŭ «Łos-Andželes Kinhz» ź likam 3:1.
U składzie staličnaj kamandy biełaruski forvard Alaksiej Protas hulaŭ na pravym fłanzie druhoha źviana, piša Belarushockey.by.
Na 10-j chvilinie hości dapuścili hrubuju pamyłku pry vychadzie z zony, partniory vyvieli Protasa na vydatnuju pazicyju, i jon aformiŭ svoj 13-y hoł u siezonie.
U kancoŭcy matča Protas aformiŭ dubl, zakinuŭšy ŭ pustuju bramu supiernika.
U vyniku Protas pravioŭ na lodzie 17:50, nabraŭ 2 (2+0) ački, nanios 4 kidki, dapuściŭ 1 stratu i zarabiŭ pakazčyk karysnaści «+2». Jaho pryznali treciaj zorkaj matča.
U siezonie ŭ Protasa 33 hulni, 29 (14+15) bałaŭ, pakazčyk karysnaści «+18», 6 chvilin štrafu.
«Vašynhton» z 48 bałami ŭ 33 hulniach zajmaje 1-je miesca ŭ tablicy Uschodniaj kanfierencyi.
Nastupny matč «Vašynhton» praviadzie 23 śniežnia ŭ haściach suprać «Bostana».
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary