«My nie majem kurjeraŭ u Biełarusi». Inicyjatyva Dissidentby prakamientavała film na ANT
Pravaabarončaja inicyjatyva Dissidentby, pradstaŭnica nibyta jakoj uviečary 20 śniežnia fihuravała ŭ prapahandysckim filmie na kanale ANT, śledam za pradstaŭnikami fondaŭ «Bajsoł» i «Bajchełp» dała kamientar pa hetaj situacyi.
Pavodle paviedamleńnia ŭ telehram-kanale inicyjatyvy, Dissidentby
uvohule nie maje kurjeraŭ u Biełarusi, a taksama nie apłačvaje advakataŭ i štrafy. Zhadanaja ŭ filmie žančyna pa imieni Alena Piskur nie maje dačynieńnia da inicyjatyvy i pavodle paćvierdžanaj infarmacyi znachodzicca ŭ biaśpiecy.
U toj ža čas infarmacyi pra sapraŭdy vyzvaleńnie piaci palitviaźniaŭ, pakazanych u siužecie, Dissidentby infarmacyi nie maje.
«My nie viedajem, ci vyjšli hetyja ludzi na volu, ci ich prymusili tolki źniacca ŭ videa. Ale dakładna stała viadoma, što Siarhiej Čekiel, Alaksandr Łahuta, Uładzimir Apanovič i Arciom Pucienič adbyvajuć pakarańnie ŭ PUAT-36, jakaja znachodzicca ŭ Minsku. Siužet byŭ źniaty kala ŭstanovy. Dzie adbyvaje pakarańnie Uładzimir Bałciankoŭ, pakul niezrazumieła», — paviedamlaje inicyjatyva Dissidentby.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary