U Papua — Novaj Hviniei znajšli vid ptušak, jaki ličyŭsia źnikłym
U červieni 2024 hoda hrupa ptuškaroŭ padčas turu pa nazirańniach za ptuškami daśledavała lasy vostrava Musau ŭ Papua — Novaj Hviniei. Im pašancavała znajści troch z čatyroch endemičnych ptušak vostrava. Zastaŭsia tolki niaŭłoŭny aruhier Musau, jakoha nichto nie naziraŭ z 1979 hodu, piša «Dzikaja pryroda pobač».
I voś adzin z ptuškaroŭ zaŭvažyŭ, jak para ptušak cicha ŭsiełasia na susiednim drevie. Heta byli… aruhiery Musau. Jany prosta pieralatali ź inšymi ptuškami, karmilisia i zajmalisia svaimi spravami. Udzielniki hrupy sfatahrafavali 9 ptušak i zrabili zapisy hołasu.
Arhanizacyja Search for Lost Birds razam z BirdLife International uklučyła hety vid u śpis z 120 ptušak, jakich nichto nie bačyŭ apošnija 10 hadoŭ. U vučonych i pryrodaachoŭnikaŭ nie chapaje resursaŭ, kab rehularna manitoryć status usich vidaŭ. Hetym śpisam karystajucca ptuškary pry płanavańni svaich padarožžaŭ.
Danych pa hetych vidach vielmi mała, i kožnaje nazirańnie robić vialiki ŭniosak u razumieńnie pahroz, ź jakimi sutykajucca hetyja ptuški, i tendencyj ich papulacyj.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit12
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary