Nabližany da Łukašenki biznesmien Alaksiej Aleksin ciapier u sankcyjnych śpisach. Abychodzić abmiežavańni jamu dapamahajuć niepubličnyja svajaki, vyśvietliła «Biuro».
Jašče da ŭviadzieńnia abmiežavańniaŭ biznesmien pieraraźmierkavaŭ častku svaich aktyvaŭ pamiž žonkaj i dvuma synami, ale ŭžo ŭ červieni 2022 hoda Dźmitryj i Vital Aleksiny sami akazalisia pad sankcyjnym ciskam ES.
Treba było šukać, na kaho pierapisać aktyvy. Adnym z takich ludziej stała žonka Dźmitryja Viktoryja Hubanava.
Dźmitryj Aleksin i jaho brat Vital byli ŭklučanyja ŭ sankcyjny pakiet ES 3 červienia 2022 hoda. Praz 27 dzion, 30 červienia, u biełaruskaj kampanii «Mietraž» rezka źmianiŭsia bienieficyjar. Dźmitryja Aleksina, jaki byŭ saŭładalnikam firmy z 2007 hoda, na pasadzie źmianiła jaho žonka.
Kampanija «Mietraž» śpiecyjalizavałasia na zdačy nieruchomaj majomaści. U krasaviku 2024 hoda jana była likvidavanaja — jaje dałučyli da inšaj firmy Aleksinych, jakaja Hubanavaj taksama dastałasia ŭ «spadčynu» ad muža — «Aleks Karho».
«Aleks Karho» zajmajecca impartam i realizacyjaj śpiecyj, miasnych vyrabaŭ i nikacinavych paŭčaŭ z krain SND, Jeŭropy i Azii. Akramia taho, firma vałodaje sietkaj miasnych restaranaŭ Hooper u Minsku.
Źmieny adbylisia i ź inšaj kampanijaj.
U lipieni 2022-ha, paśla trapleńnia Vitala i Dźmitryja ŭ błek-list Jeŭrasajuza, kampaniju «Vieles-Mit» (jana zajmajecca miasam) pieradali va ŭłasnaść śviežastvoranaj jurydyčnaj asobie — TAA «Sandaa». Vałodaje «Sandaa» Andrej Hubanaŭ — baćka Viktoryi Hubanavaj, žonki Dźmitryja Aleksina.
«Sandaa», akramia «pieratrymki» miasnoha aktyvu Aleksina, paralelna zajmajecca impartam pnieŭmatyčnych šyn dla aŭtamabilaŭ z Francyi i Hiermanii.
Pasadu dyrektara ŭ firmie zajmaje Raman Paŭłovič. Dziakujučy «Kibierpartyzanam» žurnalisty vyśvietlili, što ŭ 2020 hodzie Paŭłovič pracavaŭ kiraŭnikom kampanii i namieśnikam načalnika adździeła pa realizacyi ŭ «Vieles-Mit».
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary