«Stać svabodnymi ad prakramloŭskaha jarma». Cichanoŭskaja dała intervju armianskamu vydańniu i raskazała, kali naviedaje Armieniju
Śviatłana Cichanoŭskaja dała videaintervju armianskamu partału 1in.am. U im jana skazała, što raźličvaje na spynieńnie supracoŭnictva Jerevana z režymam Łukašenki, a taksama hatovaja naviedać Armieniju, «kali budzie hatoŭnaść z boku armianskaha kiraŭnictva», piša «Pozirk».
«Ja z zadavalnieńniem naviedaju Armieniju, kali budzie hatoŭnaść z boku armianskaha kiraŭnictva, — adznačyła Cichanoŭskaja. — Ja padtrymlivaju armianski narod u vašym imknieńni da jeŭrapiejskaj budučyni i svabody. Dumaju, što jak sustrečy, tak i mahčymyja vizity tolki ŭmacujuć našy adnosiny».
Akramia hetaha, na dumku Cichanoŭskaj, varta raźvivać adnosiny «pamiž biełaruskaj i armianskaj hramadzianskaj supolnaściu», pakolki šmat biełarusaŭ vyjechała ŭ Armieniju jak u krainu, jakaja nie patrabuje vizy.
«Spadziajusia, što Armienija dazvolić im biaśpiečna zastavacca na svajoj terytoryi», — adznačyła Śviatłana Cichanoŭskaja.
Pavodle jaje mierkavańnia, ciapier usim stała vidavočna, što Łukašenka «nie moža być partnioram i dakładna nie źjaŭlajecca sajuźnikam Armienii». U toj ža čas jak biełaruski, tak i armianski narody zasłuhoŭvajuć jeŭrapiejskaj demakratyčnaj budučyni.
«Za svaju svabodu našy narody zapłacili i praciahvajuć płacić vialikuju canu… Ale ciapier, napeŭna, nie čas mierać, kamu bolš baluča, kamu składaniej, a prosta pry mahčymaści abjadnoŭvacca, bolš paznavać adzin adnaho.
Treba zrabić usio mahčymaje, kab u nas była mahčymaść spakojna siabravać na ŭzroŭni nacyj i na ŭzroŭni palityčnym», — padsumavała demakratyčnaja lidarka, adznačyŭšy, što abiedźvie krainy pavinny «stać svabodnymi ad prakramloŭskaha jarma».
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary
- Vozmožien li koniec Śvieta na odnoj šiestoj suši?
Armianskoje radio podumało i otvietiło:
- Počiemu by i niet. Vielikij mah i kudieśnik Čubajs svoj nomier po raśpiłu
RAO ES užie ispołnił. Tiepieŕ možno i Śviet hasiť
biełyja lentački i inš. - heta adkul było? pieršaje (i inšyja) intervju jakomu telekanału? i inšaje... i inšaje...