Na kvateru Capkałaŭ u Biełarusi z druhoj sproby znajšlisia pakupniki
«BiełJurZabieśpiačeńnie» druhi raz sprabuje pradać kvateru Valeryja i Vieraniki Capkałaŭ praz elektronny aŭkcyjon. 9 krasavika na jaje znajšlisia try pakupniki, piša «Biełsat».
Tarhi pačalisia a 9:00 i praciahnucca, jak płanujecca, da 18:00. Pieršy raz kvateru sprabavali pradać 27 lutaha, ale tarhi nie adbylisia — nie znajšłosia achvočych. Paśla hetaha canu na kvateru źnizili — da 286 753,76 rub. Raniej jana kaštavała na 71 tysiaču rub. daražej. Pieršaja staŭka skłała 301 091,45 rub.
Trochpakajovaja kvatera Capkałaŭ mieścicca ŭ domie № 5 na vulicy Čarnyšeŭskaha. Ahulnaja płošča žytła — 103,7 kvadratnaha mietra. U kvatery zarehistravany adzin čałaviek. Razam z žytłom pradajecca parkovačnaje miesca na padziemnaj aŭtastajancy. Adznačanyja nastupnyja abciažarańni: aryšt śledčych orhanaŭ, zabarona rehistracyjnych dziejańniaŭ rehistracyjnaha orhanu, sudovaha vykanaŭcy.
Pieršy raz trochpakajovuju kvateru, jakaja naležyć Valeryju Capkału, vystavili na aŭkcyjon 12 lutaha. Pačatkovy košt majomaści składaŭ 358 442,2 rub. Tarhi pryznačyli na 27 lutaha, ale jany nie adbylisia: nie było achvočych nabyć kvateru.
Žonka Valeryja Capkały Vieranika adznačała raniej, što nieruchomaść naležyć nie tolki jejnamu mužu, ale taksama joj i ichnym niepaŭnaletnim dzieciam. Na jejnuju dumku, rašeńnie vystavić nieruchomaść na tarhi parušaje ŭ tym liku Kanstytucyju. Žančyna zaklikała Śledčy kamitet i prakuraturu pravieści rasśledavańnie ŭ źviazku z prodažam nieruchomaści.
U Biełarusi siamja Capkałaŭ nie žyvie ź leta 2020 hoda, aścierahajučysia palityčnaha pieraśledu. Valeryja Capkału na radzimie zavočna asudzili na 17 hadoŭ kałonii ŭzmocnienaha režymu.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit12
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary
čio?