Deputaty zaćvierdzili zakonaprajekt, jaki dabje pradprymalnikaŭ. Ich chočuć zrabić jurasobami
Parłamient pryniaŭ papraŭki, pavodle jakich indyvidualnyja pradprymalniki pavinny pierarehistravacca ŭ jurydyčnyja asoby da 31 śniežnia 2025 hoda. Rehistracyju IP z 1 kastryčnika 2024 hoda faktyčna spyniać.
Pałata pradstaŭnikoŭ Biełarusi pryniała ŭ druhim čytańni papraŭki ŭ zakanadaŭstva pa pytańniach pradprymalnickaj dziejnaści, paviedamlaje pres-słužba nižniaj pałaty parłamienta.
Zakonaprajekt zamacoŭvaje novyja padychody da rehulavańnia pradprymalnickaj dziejnaści i vyznačaje novuju strukturu biźniesu, jakaja budzie składacca ź dźviuch katehoryj:
— jurydyčnyja asoby, u liku jakich vyłučajucca małyja (z kolkaściu pracujučych da 100 čałaviek), siarednija (z kolkaściu da 250 čałaviek) i bujnyja (z kolkaściu zvyš 250 čałaviek) kamiercyjnyja arhanizacyi;
— fizičnyja asoby, jakija buduć mieć prava zajmacca pradprymalnickaj dziejnaściu ŭ jakaści ramieśnika, uładalnika ahraekasiadziby, indyvidualnaha pradprymalnika, a taksama samastojna vieści prafiesijnuju dziejnaść.
Abmiažoŭvajucca vidy dziejnaści, jakija zmohuć ažyćciaŭlać indyvidualnyja pradprymalniki. Ich pieralik budzie ŭstanaŭlivacca ŭradam zychodziačy z ekanamičnaj metazhodnaści. Hety śpis nieviadomy.
Pa vidach dziejnaści, jakija nie ŭvajšli ŭ nazvany pieralik:
— z 1 kastryčnika 2024 hoda ŭvodzicca zabarona na rehistracyju novych indyvidualnych pradprymalnikaŭ;
— ustanaŭlivajecca abaviazak pierachodu dziejnych na momant pryniaćcia zakonaprajekta indyvidualnych pradprymalnikaŭ u jurydyčnyja asoby (da 31 śniežnia 2025 hoda).
Pavodle pres-słužby, praduhledžvajecca pierahlad vidaŭ dziejnaści, jakija buduć dastupnyja dla ažyćciaŭleńnia ramieśnikam i samazaniatym hramadzianam. Takija vidy dziejnaści buduć vyznačacca ŭradam.
Hety zakon zaraz pavinien adobryć Saviet Respubliki, zatym jon budzie pieradadzieny na podpis Łukašenku.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit12
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary